༄༅།  །འདི་གར་མོན་གྷོ་འདོད་རྒུ་གླིང་བོད་མིའི་གཞིས་ཆགས་ལས་ཁུངས་ནས་བཏང་གནས་ནང་འཁོད་དོན། ཉེ་ལམ་དགའ་ལྡན་ནས་འབྲས་སྤུངས་བརྒྱུད་གྲོང་སྡེ་དྲུག་པའི་བར་སྤྱི་ལེ་ ༦།༡ གཞུང་ལམ་ཉམས་གསོའི་ཐད་ཀརནཱ་ཊཀ འི་མངའ་གཞུང་གི་ཧིན་སྒོར་འབུམ་ ༤༩༥ ཡི་ལམ་བཟོའི་ལས་གཞི་བཀའ་འཁྲོལ་ཐོན་པ་ལྟར། ལམ་བཟོའི་ལས་གཞི་དངོས་སུ་འགོ་འཛུགས་ལ་ཉེ་བས་ཕྱི་ལོ་ ༢༠༢༣ ཟླ་བ་ ༡༡ ཚེས་ ༢༩ རེས་གཟའ་ལྷག་པ་སྔ་དྲོ་ཆུ་ཚོད་ ༡༠།༣༠ ཐོག་ལས་གཞི་དབུ་འཛུགས་ཀྱི་རབ་གནས་གནང་རྒྱུའི་ (Bhoomi Puja Ceremony ) ཐོག་སྐུ་མགྲོན་གཙོ་བོ་མོན་གྷོ་དང་ཡེ་ལ་སྤུར་ས་གནས་ཀྱི་གྲོས་ཚོགས་འཐུས་མི་སྐུ་ཞབས་ཧེ་སྤར་ (Shri Arail Shivaram Hebbar, MLA) མཆོག་ཕེབས་ཡོད་པ་དང་། ས་གནས་ཀྱི་གནད་ཡོད་མི་སྣ་རྣམ་པ་གྲོང་སྡེ་དྲུག་པའི་སྐལ་བཟང་ལྷ་ཁང་གི་མདུན་དུ་འཛོམས་ནས་རབ་གནས་མཆོད་འབུལ་གནང་ཐུབ་པ་བྱུང་ཡོད། གཞུང་ལམ་ཉམས་གསོའི་ལས་གཞི་འདིའི་བཀའ་འཁྲོལ་དང་དངོས་སུ་འགོ་འཛུགས་ཡོང་ཐབས་ཐད་ལྷོ་སྤྱི་འཇིགས་མེད་ཚུལ་ཁྲིམས་ལགས་ཀྱི་དབུས་པའི་ས་གནས་ཀྱི་འཁོར་ལམ་ཚོགས་ཆུང་དང་། དམིགས་བསལ་དུ་ཀར་ན་ཊ་ཀའི་མངའ་གཞུང་ལ་ཐུགས་རྗེ་ཆེ་དང་བཀྲིན་ཆེ་ཞུ་རྒྱུ་ཡིན། །