༄༅། །ཕྱི་ལོ་ ༢༠༢༣ ཟླ་བ་ ༡༠ ཚེས་ ༠༧ ཉིན་གྱི་ཕྱི་དྲོ་ཆུ་ཚོད་ ༤ ཙམ་ལ་ལྷོ་སྤྱི་ལས་ཁུངས་ཀྱི་རྩིས་པ་བསོད་ནམས་དཔལ་མོ་ལགས་དང་རྒས་གསོ་ཁང་གི་འགན་འཛིན་རྟ་མགྲིན་ལགས་རྣམ་གཉིས་ཧར་པིཏ་ཀོར་ (Ms Harpreet Kaur, Former Principal) ལགས་ཧུབ་ལི་གནམ་ཐང་དུ་ཕེབས་བསུར་བཅར་ཏེ། ཕྱི་དྲོ་ ༧།༡༥ ཙམ་དགའ་ལྡན་ཤར་རྩེ་མགྲོན་ཁང་དུ་བདེ་འབྱོར་བྱུང་།

ཕྱི་ལོ་ ༢༠༢༣ ཟླ་བ་ ༡༠ ཚེས་ ༠༨ ཉིན་གྱི་སྔ་དྲོ་ཚོུད་ ༨ ཐོག་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་སློབ་གྲྭའི་སློབ་སྤྱི་གཙོས་དགེ་རྒན་ལས་བྱེད་དང་། སློབ་ཕྲུག་ཚང་འཛོམས་ཐོག་སྔ་དྲོ་ཞོགས་ཚོགས་ལ་ཆེད་ཕེབས་ཀྱིས་སློབ་ཕྲུག་ཁག་ཅིག་ནས་གསར་འགྱུར་དང་། སྙན་རྩོམ། གཏམ་བཤད། བྱེད་སྒོ་སོགས་སྙན་སྒྲོན་གནང་རྗེས་ལྷོ་སྤྱི་འཇིགས་མེད་ཚུལ་ཁྲིམས་ལགས་ནས་ཞོགས་ཚོགས་སྐབས་ཀྱི་རང་ཉིད་ཀྱི་ཚོར་སྣང་དང་འབྲེལ་བའི་གསུང་བཤད་གནང་བ་དང་། དེ་བཞིན་སྐུ་མགྲོན་གཙོ་བོ་མཆོག་ནས་བླང་དོར་གསུང་བཤད་གནང་གྲུབ་བསྟུན་འཛིན་ཁང་རེ་རེར་གཟིགས་ཞིབ་གནང་བ་དང་། དེ་རྗེས་སློབ་སྤྱི་གཙོས་དགེ་རྒན་ལས་བྱེད་ལྷན་བཞུགས་མོལ་ཚོགས་འདུ་བསྐྱངས། ཚོགས་འདུའི་སྟེང་དགེ་རྒན་ཁག་ཅིག་གི་དྲི་བ་ཕེབས་པར་ལྕམ་སྐུ་མཆོག་ནས་ལན་འདེབས་གནང་སྟེ་སྔ་དྲོ་ཚོུད་ ༡༡ ཙམ་ལ་ཚོགས་འདུ་རྒྱལ་ཁའི་ངང་གྲོལ། དེ་ནས་ས་གནས་འགོ་འཛིན་ལྷག་པ་སྒྲོལ་མ་ལགས་ནས་ལས་ཁུངས་དང་། ཞི་འཚོ་དཔེ་མཛོད་ཁང་། དེ་བཞིན་གཞིས་གྲོང་ ༣ པའི་ཁྲོམ་ར་བཅས་སྤྱན་འབུལ་ཞུས།

ཉིན་རྒྱབ་ཚོུད་ ༢ ཙམ་ལ་ས་གནས་ནས་ཕེབས་ཐོན་གྱིས་རྒས་གསོ་ཁང་གི་འགན་འགན་འཛིན་རྟ་མགྲིན་ལགས་ནས་ཧུབ་ལི་གནམ་ཐང་བར་ཕེབས་སྐྱེལ་ཞུས་ཡོད་པ་བཅས།།