༄༅། །ཕྱི་ལོ་ ༢༠༢༣ ཟླ་བ་ ༡༠ ཚེས་ ༠༤ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སྔོན་འབྲས་ལྗོངས་ཁུལ་དུ་ཀྲི་སི་ཊ་(Teesta) གཙང་པོ་ལུད་དེ་ཆུ་ལོག་གི་རྐྱེན་ངན་འོག་མི་རྒྱུ་ཟོག་གསུམ་ལ་གནོད་སྐྱོན་བྱུང་བར་མངའ་སྡེའི་སྤྱི་ཁྱབ་བློན་ཆེན་པྲེམ་སིངྒ་ཏ་མང་མཆོག་ལ་ཐུགས་གསོའི་གསུང་འཕྲིན་ཞིག་སྩལ་གནང་ཡོད།

དེ་ཡང་གསུང་འཕྲིན་ནང་མགོན་པོ་མཆོག་གིས། ངོས་ཀྱིས་གོད་ཆགས་དབང་གིས་ཚེ་སྲོག་ཤོར་མཁན་རྣམས་ལ་བསྔོ་སྨོན་དང་གནོད་སྐྱོན་ཕོག་མཁན་ཚོའི་ཆེད་སྨོན་ལམ་འདེབས་ཀྱི་ཡོད། གོད་ཆགས་ཕོག་ཡུལ་དུ་མངའ་སྡེ་གཞུང་གཙོས་པའི་འབྲེལ་ཡོད་ཚོགས་པ་ཁག་ནས་ངལ་སེལ་རོགས་སྐྱོར་གནང་བཞིན་པར་བསྔགས་བརྗོད་ཞུ་རྒྱུ་དང་། ངོས་ཀྱིས་འབྲས་ལྗོངས་མངའ་སྡེའི་མི་མང་ལ་གདུང་སེམས་མཉམ་སྐྱེ་མཚོན་ཕྱིར་ཏཱ་ལའི་བླ་མ་ཐེབས་རྩ་ནས་ངལ་སེལ་སྐྱོབས་གསོའི་ཆེད་ཞལ་འདེབས་འབུལ་གྱི་ཡོད། ཅེས་བཀའ་སྩལ་ཡོད་པ་བཅས།།