༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ལ་དྭགས་ས་གནས་ཁྲིམས་ཞིབ་པ་པདྨ་བཟང་པོ་ལགས་ནས་ཕྱི་ལོ་ ༢༠༢༣ ཟླ་ ༡༠ ཚེས་ ༣༠ ཉིན་གྱི་སྔ་དྲོའི་ཚུ་ཆོད་ ༡༠ ཐོག་ས་གནས་འཐུས་ཚོགས་ཀྱི་ཚོགས་ཁང་ནང་ས་འཐུས་སྐབས་ ༡༡ པའི་ཚོགས་མི་གསར་འདེམས་གྲངས་ ༢༡ ནས་ཚོགས་མི་ ༢༠ དང་། དེ་དག་གི་ཁོངས་ནས་ཚོགས་གཙོར་དོན་གྲུབ་ཚེ་རིང་ལགས་དང་ཚོགས་གཞོན་དུ་བློ་བཟང་སྙན་གྲགས་ལགས་གཉིས་བསྐྱར་དུ་བདམས་ཐོན་གྱིས་ས་གནས་ཁྲིམས་ཞིབ་པའི་མདུན་དུ་ལས་འཁུར་དམ་བཅའ་འབུལ་བཞེས་བྱུང་འདུག་པ་དང་།

དམ་འབུལ་བཞེས་གྲུབ་མཚམས། ས་གནས་ཁྲིམས་ཞིབ་པ་མཆོག་ནས་བཅའ་ཁྲིམས་ནང་གསལ་ས་གནས་འཐུས་མིའི་གལ་གནད་རང་བཞིན་སྐོར་དང་། ས་གནས་ཀྱི་ལས་དོན་དང་འབྲེལ་བའི་སྒྲིག་གཞི་བཟོ་འགོད་གནང་གལ། ས་འཐུས་ཀྱི་ལས་ཡུན་རིང་དམ་འབུལ་གྱི་ཚིག་གཞི་དགོངས་དོན་ཕྱག་ལེན་དགོས་གལ། དེ་བཞིན་ཁྲིམས་སྒྲིག་བཟོ་འགོད་བྱེད་དགོས་པའི་དམིགས་ཡུལ་བཅས་ཀྱི་ཐོག་གསུང་བཤད་གནང་རྗེས་རྟེན་འབྲེལ་གྱི་གསོལ་ཇ་འབྲས་སིལ་འདེགས་འབུལ་དང་མཇལ་དར་སྒྲོན་འབུལ་གྱི་ལས་རིམ་བཅས་ལེགས་གྲུབ་བྱུང་འདུག་པའི་གནས་ཚུལ་དུ། །