༄༅། །ཕྱི་ལོ་ ༢༠༢༣ཉ ཟླ་བ་ ༩ ཚེས་ ༤ རེས་གཟའ་ཟླ་བའི་ཉིན་ཨོསྟྲེ་ལི་ཡཱའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པས་བོད་དོན་ཞུ་བསྐུལ་ཉིན་མོ་སྲུང་བརྩི་དང་སྦྲགས། ཨོསྟྲེ་ལི་ཡཱའི་སྲིད་གཞུང་ནས་རྒྱ་ནག་གཞུང་དང་རྒྱལ་དོན་འབྲེལ་མོལ་གནང་སྐབས། བོད་ནང་གི་འགྲོ་བ་མིའི་ཐོབ་ཐང་གནས་སྟངས་སྐོར་གླེང་སློང་དགོས་པ་མ་ཟད། རྒྱ་ནག་གཞུང་གིས་བོད་ནང་འགྲོ་བ་མིའི་ཐོབ་ཐང་རྡོག་རོལ་བཏང་དང་གཏོང་མུས་ཀྱི་བྱ་སྤྱོད་དེར་སྐྱོན་བརྗོད་དགོས་པའི་ཞུ་བསྐུལ་གནང་ཡོད། སྐབས་དེར་ཨོསྟྲེ་ལི་ཡཱའི་ཕྱི་སྲིད་བློན་ཆེན་པེ་ནི་ཝོང་ (PENNY WONG) མཆོག་གིས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་འགྲོ་བཞིན་པའི་ཐད་བློ་འཚབ་ཡོད་པ་མ་ཟད། རྒྱ་ནག་གཞུང་དང་འབྲེལ་མོལ་སྐབས་བོད་ནང་གི་འགྲོ་བ་མིའི་ཐོབ་ཐང་གནས་སྟངས་སྐོར་གླེང་སློང་བྱུང་ཡོད་པ་དང་། མུ་མཐུད་རྒྱ་ནག་གཞུང་ལ་དེའི་སྐོར་གླེང་སློང་བྱ་རྒྱུ་ཡིན་སྐོར་གསུང་འདུག

བོད་དོན་རྒྱབ་སྐྱོར་གྱི་ཞུ་ཡིག་དེ་བཞིན་ཨོསྟྲེ་ལི་ཡའི་གྲོས་ཚོགས་འཐུས་མི་ལྕམ་སྐུ་སུ་སན་ཊེམ་པལ་མན་ (SUSAN TEMPLEMAN) ལགས་དང་། ལྕམ་སྐུ་ཇེ་ནིཊ་རེ་སི་ (JANET RICE) ལགས། སྐུ་ཞབས་ཊིན་ཨིས་མིཊ་ (DEAN SMITH) ལགས་བཅས་ཀྱིས་མཚན་རྟགས་བསྐྱོན་གནང་འདུག་པ་བཅས། །