༄༅། །འདི་གར་ཧོན་སུར་རབ་རྒྱས་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༣ ཟླ་བ་ ༩ ཚེས་ ༢༢ ཉིན་ཞྭ་སེར་བསྟན་པའི་མངའ་བདག་༸སྐྱབས་རྗེ་དགའ་ལྡན་ཁྲི་ཐོག་ ༡༠༤ རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་ཞབས་སོར་བཀའ་དྲིན་སྩལ་བ་དང་། ཚེས་ ༢༣ ནས་༢༨ དབར་འདི་གའི་སེར་སྐྱ་མི་མང་ལ་དཔལ་བསང་བ་འདུས་པའི་ཆོས་སྐོར་རིམ་པའི་བཀའ་ཆོས། དཔལ་རྡོ་རྗེ་འཇིགས་བྱེད་ཆེན་པོའི་སྔགས་བསྡུ་རབ་གསལ་སྒྲོན་མེའི་བཀའ་ཆོས་སྩལ་བ། གཞན་ཡང་ཚེས་ ༢༩ ཉིན་མང་ཚོགས་ལ་སྒྲོལ་དཀར་ཡིད་བཞིན་འཁོར་ལོའི་ཚེ་དབང་བཀའ་དྲིན་སྩལ་བ། ཚེས་ ༣༠ ཉིན་ཧོན་སུར་ས་གནས་འགོ་འཛིན་ལས་ཁུངས་ཀྱི་ལས་གཞིའི་འོག་རབ་རྒྱས་གླིང་ཁྲོམ་ཚོགས་དང་ས་གནས་དབུ་མའི་ལམ་གཞོན་ནུའི་དཔའ་བོ་རྡོ་རིང་གསར་བཞེངས་ཞུས་པ་བཅས་ལ་དབུ་འབྱེད་རབ་གནས་བཀའ་དྲིན་སྩལ་རྗེས་རིན་པོ་ཆེ་མཆོག་ས་གནས་ནས་ཆིབས་བསྒྱུར་མཛད་ཡོད་བཅས།།