སྐད་ཡིག།
हिन्दीEng中文

Subscribe

བོད་མི་མང་སྤྱི་འཐུས་སྐུ་ཚབ་ཚོགས་ཆུང་ནས་ཇ་མུ་ཁུལ་གྱི་བོད་དོན་ཞུ་སྐུལ་གྱི་ལས་དོན་ལེགས་གྲུབ་བྱུང་བ།
གསར་ལས་ཁང་གི་གསར་འགོད་པས།

Subscribe

 ༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༣ ཟླ་ ༨ པའི་ཚེས་ ༣༡ ཉིན་བོད་མི་མང་སྤྱི་འཐུས་ཟླ་བ་ཚེ་རིང་ལགས་དང་། སྤྱི་འཐུས་ཡེ་ཤེས་སྒྲོལ་མ་ལགས། སྤྱི་འཐུས་བསྟན་པ་ཡར་འཕེལ་ལགས་བཅས་ལས་གྲུབ་པའི་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་ཇ་མུ་གཙུག་ལག་སློབ་གཉེར་ཁང་གི་འཛིན་སྐྱོང་འགན་འཛིན་སློབ་དཔོན་ར་ཧུལ་གྷུབ་ཏ་ (Prof. Rahul Gupta, Registrar of University of Jammu) ལགས་དང་། འབུམ་རམས་པ་པཱ་ཐཱ་ནི་ཡ་ (Dr. Pathania, Central University of Jammu) ལགས་རྣམ་གཉིས་དང་ལྷན་མཇལ་འཕྲད་ཀྱིས་བོད་དོན་ཞུ་སྐུལ་གནང་བ་མ་ཟད། ཇ་མུ་ས་གནས་ཀྱི་གསར་འགོད་པ་ཁྱོན་ ༥༠ ལྷག་ལྷན་འཛོམས་ཐོག་རྒྱ་གར་གཞུང་མང་གཉིས་ནས་བོད་དོན་ཐོག་སྔར་ལྷག་རྒྱབ་སྐྱོར་ཡོང་བ་དང་། བོད་མི་མང་སྤྱི་འཐུས་ཚོགས་གཙོ་མཆོག་གི་མཚན་རྟགས་འཁོད་པའི་དོན་ཚན་བཅུ་ཅན་གྱི་བོད་དོན་ཞུ་ཡིག་སྒྲོག་སྦྱངས་དང་། གསར་འགོད་པའི་དྲི་བར་ལན་འདེབས་བཅས་གནང་སྟེ། ཐེངས་འདིའི་ཇ་མུ་ཁུལ་གྱི་བོད་དོན་ཞུ་སྐུལ་ལེགས་གྲུབ་ཀྱིས་ཀ་ཤི་མིར་ས་གནས་སུ་ཕེབས་ཐོན་གནང་རྒྱུ་ཡིན་པ་བཅས། །

གསར་གནས།

རྒྱ་དཀར་ནག་གི་འབྲེལ་ལམ་དང་བོད་ཀྱི་རང་དབང་ལས་འགུལ་ཞེས་པའི་བརྗོད་གཞིའི་ཐོག་རྒྱ་གར་བོད་དོན་རྒྱབ་སྐྱོར་བའི་ཚོགས་འདུའི་དབུ་འབྱེད་མཛད་སྒོ་ཚོགས་པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་མཉམ་ཞུགས་གནང་བ། 

འབྲེལ་གནས།

བོད་མི་མང་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་དང་། སྤྱི་འཐུས་བསྟན་འཛིན་འཇིགས་བྲལ་ལགས་རྣམ་གཉིས་ནས་མོན་རྟ་དབང་ཁུལ་ལ་གཞུང་འབྲེལ་ས་བགོས་ཕྱོགས་བསྐྱོད་ལེགས་གྲུབ་བྱུང་བ།
Menu