༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༣ ཟླ་ ༩ པའི་ཚེས་ ༢ ཉིན་བོད་མི་མང་སྤྱི་འཐུས་ཟླ་བ་ཚེ་རིང་ལགས་དང་། སྤྱི་འཐུས་ཡེ་ཤེས་སྒྲོལ་མ་ལགས། སྤྱི་འཐུས་བསྟན་པ་ཡར་འཕེལ་ལགས་བཅས་ལས་གྲུབ་པའི་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་ཇ་མུ་ཀ་ཤི་མིར་གྱི་རྒྱལ་ས་ཤྲཱི་ན་གྷར་དུ་རྒྱ་གར་གྲོས་ཚོགས་གོང་མའི་འཐུས་མི་སྐུ་ཞབས་གྷུ་ལམ་ཨ་ལི་ (Shri. Gulam Ali, MP Rajya Sabha, J&K) མཆོག་དང་།ཇ་མུ་ཀ་ཤི་མིར་མང་གཙོ་མཉམ་འབྲེལ་སྲིད་དོན་ཚོགས་པའི་ཚོགས་གཙོ་སྐུ་ཞབས་ར་ཁིབ་ཨུལ་ར་ཤི་ (Raquib-ul-Rashi, State President,  All alliance Democratic Party, J&K) མཆོག ཀ་ཤི་མིར་ས་གནས་གཞོན་སྐྱེས་ཚོགས་པའི་ཚོགས་གཙོ་སྐུ་ཞབས་ཨ་བྷིཏ་ར་ཤ་ཌི་བྷཏ་ (Aabid Rashid Bhat, Provincial Youth President Kashmir) མཆོག མངའ་སྡེའི་དྲུང་ཆེ་སྐུ་ཞབས་ཌིན་མའོ་མ་དྷ་ཝ་ནི་ (Mr Deen Mohammad Wani, State Secretary) མཆོག སྐུ་ཞབས་རཱ་ཇཱ་ཨི་ཧྥིཏི་ཀར་ཧུ་སན་ (Mr Raja Iftikhar Hussain Maqpon, Zonal President) མཆོག ཇ་མུ་ཀ་ཤི་མིར་ (Awami Tehreek Party) སྲིད་དོན་ཚོགས་པའི་དབུ་ཁྲིད་སྐུ་ཞབས་སོ་ཧིབ་ཁན་ (Shri. Soheb khan, Party Patron of J&K) མཆོག མངའ་སྡེའི་གྲོས་ཚོགས་འཐུས་མི་ཟུར་པ་དང་། ཀ་ཤི་མིར་གཅིག་སྒྲིལ་ཚོགས་པའི་ཚོགས་གཙོ་སྐུ་ཞབས་ཨི་ཤི་ཧྥག་ཇ་བྷར་ (Shri. Ishfag Jabbar Ex MLA, and Chairman of Jabbar Foundation & President of Jammu Kashmir United Movement) མཆོག་བཅས་དང་ལྷན་རིམ་པས་མཇལ་འཕྲད་ཀྱིས་བོད་ནང་གི་ད་ལྟའི་ཛ་དྲག་གནས་སྟངས་སྐོར་ངོ་སྤྲོད་ཀྱིས་བོད་དོན་ཐོག་སྔར་ལྷག་རྒྱབ་སྐྱོར་ཡོང་བའི་ཞུ་སྐུལ་གནང་བ་དང་། དེ་བཞིན་ཚོགས་གཙོའི་མཚན་རྟགས་འཁོད་པའི་བོད་མི་མང་སྤྱི་འཐུས་ལྷན་ཚོགས་ཀྱི་དོན་ཚན་བཅུ་ཅན་གྱི་བོད་དོན་ཞུ་ཡིག་དང་། དྲན་རྟེན་ཕྱག་རྟགས་བཅས་སོ་སོར་ཕུལ་གནང་ཡོད་པ་སོགས་མུ་མཐུད་ཞུ་སྐུལ་གྱི་ལས་འགུལ་སྤེལ་བཞིན་ཡོད་པ་བཅས། །