༄༅། །ཕྱི་ལོ་ ༢༠༢༣ ཟླ་བ་ ༠༩ ཚེས་ ༡༢ ནས་ ༡༤ བར་ནང་སྲིད་ལས་ཁུངས་ཀྱིས་སྐྱེ་ལྡན་སོ་ནམ་ཞིང་ལས་ནང་རྩི་ཤིང་གི་འཕྲོད་བསྟེན་སྟངས་འཛིན་བྱེད་ཕྱོགས་ཀྱི་སྦྱོང་བརྡར་ཞིག་རྒྱ་གར་གྱི་གྲོང་ཁྱེར་ཧཻ་ད་རཱ་བཱད་དུ་གོ་སྒྲིག་གནང་ཡོད།

དེ་ཡང་ཐེངས་འདིའི་སྦྱོང་བརྡར་ཐོག་རྒྱ་བལ་གཉིས་ཀྱི་བོད་མིའི་གཞིས་ཆགས་ཁག་ནས་སོ་ནམ་སློབ་སྟོན་པ་གྲངས་ ༡༣ དང་ཞིང་པ་ ༢ བཅས་མཉམ་ཞུགས་ཀྱིས་ས་ཞིང་འདེབས་ལས་དང་འབྲེལ་བའི་གནད་དོན་མང་དག་སྐོར་སློབ་སྟོན་ཞུས་ཡོད་པ་མ་ཟད། སའི་འཕྲོད་བསྟེན་སྟངས་འཛིན་ཁང་དུ་ཆེད་ཕེབས་ཐོག་མིག་མཐོང་ལག་ཟིན་ལམ་ནས་སའི་འཕྲོད་བསྟེན་ལ་སྟངས་འཛིན་གནང་ཕྱོགས་སྐོར་རྒྱུས་ལོན་ཞུས་ཡོད་པ་བཅས།།