༄༅། །ཕྱི་ལོ་ ༢༠༢༣ ཟླ་བ་ ༠༨ ཚེས་ ༡༦ ཉིན་ཨོསྟྲེ་ལི་ཡར་གནས་འཁོད་རྒྱ་གར་གཞུང་ཚབ་ཁང་གིས་གོ་སྒྲིག་ཞུས་པའི་རྒྱ་གར་རང་བཙན་ཉིན་མོ་སྲུང་བརྩིའི་མཛད་སྒོའི་ཐོག་ཨོསྟྲེ་ལི་ཡཱའི་སྐུ་ཚབ་དོན་གཅོད་ཀརྨ་སེངྒེ་ལགས་དང་། དྲུང་ཆེ་ལྷ་དབང་རྒྱལ་པོ་ལགས་ལྷན་བཅར་ཞུས་ཡོད།

མཛད་སྒོའི་ཐོག་མར་རྒྱ་གར་དང་ཨོསྟྲེ་ལི་ཡཱའི་རྒྱལ་གླུ་བླངས་རྗེས་རྒྱ་གར་གཞུང་ཚབ་ཆེན་མོ་མན་པི་རིཊ་ཝོ་ར་ (Manpreet Vohra) མཆོག་དང་། སྐུ་མགྲོན་གཙོ་བོ་ཨོསྟྲེ་ལི་ཡཱའི་ཕྱི་སྲིད་དང་ཚོང་འབྲེལ་ལས་ཁུངས་ཀྱི་དྲུང་ཆེ་གཞོན་པ་མཧི་ཅལ་ཅན་ (Michelle Chan) མཆོག་གཉིས་ནས་དུས་དྲན་དང་འབྲེལ་བའི་གསུང་བཤད་གནང་ཡོད་པ་རེད།

གཞན་ཡང་མཛད་སྒོའི་ཐོག་ཆབ་སྲིད་མི་སྣ་དང་། ཕྱི་རྒྱལ་ལས་ཁུངས་ཁག་གི་གནད་ཡོད་མི་སྣ། གཞུང་གི་མཐོ་རིམ་མི་སྣ། ས་གནས་རྒྱ་གར་མི་རིགས་སོགས་མཉམ་ཞུགས་གནང་ཞིང་། ཕྱི་དྲོ་རིག་གཞུང་འཁྲབ་སྟོན་གོ་སྒྲིག་ཞུས་ཡོད་པ་བཅས།།