༄༅། །ཕྱི་ལོ་ ༢༠༢༣ ཟླ་བ་ ༠༨ ཚེས་ ༡༡ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་ཞི་བའི་ཚལ་གྱི་དགེ་འཕེལ་གླིང་ཕོ་བྲང་ནས་ཧ་ཝ་ཧེ་མཚོ་གླིང་ནང་རང་བྱུང་མེ་སྐྱོན་ལ་བརྟེན་ནས་མི་རྒྱུ་ཟོག་གསུམ་ལ་གནོད་སྐྱོན་ཚབས་ཆེ་ཕོག་པར་མཚོ་གླིང་གི་སྲིད་སྐྱོང་ཇོ་ཤི་གྷི་རིན་(Josh Green)མཆོག་ཐུགས་གསོའི་གསུང་འཕྲིན་ཞིག་སྩལ་གནང་ཡོད་པ་རེད།

དེ་ཡང་གསུང་འཕྲིན་ནང་མགོན་པོ་མཆོག་གིས། ངོས་རང་ཧ་ཝ་ཧེ་ལ་ཐེངས་འགའ་བསྐྱོད་རྒྱུའི་གོ་སྐབས་བྱུང་ལ། དེ་བཞིན་མ་ཧུ་ཧི་ལའང་བསྐྱོད་རྒྱུ་བྱུང་། ཧ་ཝ་ཧེ་མི་མང་ཚོས་ངོས་ཀྱིས་གཞི་རྩའི་འགྲོ་བ་མིའི་རིན་ཐང་དང་ཆོས་ལུགས་མཐུན་འབྲེལ་གོང་མཐོར་གཏང་རྒྱུའི་འབད་རྩོལ་ལ་དོ་སྣང་ཆེན་པོ་གནང་བཞིན་འདུག་པར་ཡི་རངས་བསྔགས་བརྗོད་ཞུ་རྒྱུ་ཡིན། ངོས་ནས་ཧ་ཝ་ཧེ་མི་མང་ལྷན་དུ་འབྲེལ་མོལ་བྱེད་སྐབས་ཁོང་ཚོས་རང་གི་སྲོལ་རྒྱུན་དང་རིག་གཞུང་ལ་མོས་གུས་གཅེས་འཛིན་བྱེད་སྟངས་དེར་སེམས་འགུལ་ཆེན་པོ་ཐེབས་བྱུང་། དེས་ན། མཚོ་གླིང་གི་རྒྱལ་ས་སྔོན་མར་རང་བྱུང་མེ་སྐྱོན་ཚབས་ཆེ་བྱུང་བ་ཤེས་རྟོགས་བྱུང་བར་བློ་ཕམ་ཆེ། ངོས་ཀྱིས་སྐུ་ཉིད་དང་ཧ་ཝ་ཧེ་མི་མང་གིས་གོད་ཆགས་འདིར་གདོང་ལེན་བྱེད་པར་ཆོས་ཕྱོགས་ཐོག་ནས་སྙིང་སྟོབས་རྙེད་པའི་སྨོན་འདུན་ཞུ།

སྤྱིར་བ་གམ་གཏོར་བཤིག་སོང་བ་རྣམས་བསྐྱར་གསོ་མི་ཐུབ་ནའང་། ཧ་ཝ་ཧེ་གཞུང་དང་འབྲེལ་ཡོད་ཚོགས་ཚོགས་སྡེ་ཁག་ནས་ཆག་སྒོའི་གནོད་སྐྱོན་ཕོག་མཁན་རྣམས་ལ་དགོས་ངེས་རོགས་སྐྱོར་གང་ཐུབ་གནང་གི་ཡོད་ཤག་རེད།  ཅེས་བཀའ་སྩལ་ཡོད་པ་བཅས།།