༄༅། །ཕྱི་ལོ་ ༢༠༢༣ ཟླ་བ་ ༠༨ ཚེས་ ༠༤ ཉིན་སིམ་སྤྱི་ཚེ་དབང་ཕུན་ཚོགས་ལགས་ཀྱིས་ཧི་མ་ཅལ་མངའ་སྡེའི་སྲིད་སྐྱོང་མཆོག་གི་དྲུང་ཆེ་སྐུ་ཞབས་ར་ཀེཤ་ཀུ་མཱར་(Rakesh Kumar)ལགས་དང་མཇལ་འཕྲད་ཀྱིས་ཧི་མ་ཅལ་མངའ་སྡེའི་ནང་གནས་སྡོད་བོད་མིའི་ས་ཆ་བོགས་གཏོང་དང་འབྲེལ་བའི་དཀའ་ངལ་སྐོར་སྙན་སེང་ཞུས་ཡོད།
ཐེངས་འདིའི་མཇལ་འཕྲད་དེ་བཞིན་ཧི་མ་ཅལ་མངའ་སྡེའི་སྲིད་སྐྱོང་ཤིབ་པྲ་ཏབ་ཤུཀ་ལ་མཆོག་གི་བཀོད་བསྔགས་ལམ་སྟོན་འོག་གནང་ཞིང་། སྐབས་དེར་ཡུན་རིང་སེལ་ཐུབ་མེད་པའི་ཧི་མ་ཅལ་མངའ་སྡེའི་ནང་གནས་སྡོད་བོད་མིའི་ས་ཆ་བོགས་གཏོང་དང་འབྲེལ་བའི་དཀའ་ངལ་སྐོར་གོ་བསྡུར་སྙན་སེང་དང་སྦྲགས། ཧི་མ་ཅལ་མངའ་སྡེའི་གཞུང་ནས་གང་མགྱོགས་དེ་དོན་དཀའ་སེལ་ཡོང་བའི་རེ་སྐུལ་ཞུས་ཡོད་པ་རེད།
དེ་བཞིན་མཇལ་མོལ་སྐབས་སུ་སིམ་སྤྱི་ནས་ས་ཆ་བོགས་གཏོང་དང་འབྲེལ་བའི་སྙན་ཐོ་སྤྱན་འབུལ་དང་སྦྲགས། སིམ་ལ་དང་། ཀུལ་ལུ། མ་ན་ལི། རྡ་ས་ཁུལ་གྱི་བོད་མི་འདུས་སྡོད་ས་གནས་ཁག་གི་ས་ཆ་བོགས་གཏོང་དང་། དེ་བཞིན་ཡིག་ཆ་མེད་པའི་བོད་མིའི་གཞིས་ཆགས་ཁག་ཅིག་གི་དཀའ་ངལ་སྐོར་ཞིབ་ཕྲ་སྙན་སེང་ཞུས་ཐོག དེ་དོན་གང་མགྱོགས་དཀའ་སེལ་ཡོང་བའི་འབོད་སྐུལ་ཞུས་ཡོད།
དྲུང་ཆེ་ར་ཀེཤ་ཀུ་མཱར་ལགས་ནས་བོད་མིའི་བདེ་དོན་ཞུས་དོན་ཁག་དང་གསན་བཞེས་ཀྱིས་ཁྲལ་བབ་སྡེ་ཚན་གྱི་དྲུང་འཕར་དང་འབྲེལ་བ་གནང་སྟེ་ཕྱི་ཚེས་ ༠༤ ཉིན་གྱི་ཕྱི་དྲོ་གནད་དོན་དེའི་སྐོར་ཚོགས་འདུ་བསྐོང་ཚོགས་གནང་རྒྱུའི་ཞལ་བཞེས་གནང་ཡོད་པ་བཅས།།
