༄༅། །བཙན་བྱོལ་བོད་མིའི་སྤྱི་ཚོགས་ཁྲོད་རང་འཚོ་ཐུབ་པའི་ན་གཞོན་ནུས་ལྡན་བསྐྲུན་ཐབས་ཆེད་འཚོ་ཐབས་འོས་པའི་ལས་རིགས་སྦྱོང་བརྡར་དང་དེ་འབྲེལ་སློབ་ཡོན་འབུལ་རྒྱུའི་ལས་གཞི་ཁག་ཅིག་སྤེལ་མུས་ལྟར། ཐེངས་འདིར་ཟས་བཏུང་འདྲེན་འབུལ་ཞབས་ཞུ་མཁོ་སྤྲོད་བྱེད་ཕྱོགས་ཀྱི་ལས་རིགས་སྦྱོང་བརྡར་(Food and Beverages Services)ཞིག་ཟླ་གྲངས་ ༥ རིང་ (ཟླ་བ་དང་པོ་གཉིས་སོ་སོའི་གནས་ཡུལ་ནས་དྲ་ཐོག་སྦྱོང་བརྡར་དང་འཕྲོས་ཟླ་གསུམ་དེ་བཞིན་འགྲུལ་ཁང་དང་ཟ་ཁང་ནང་ངོ་བཅར་སྦྱོང་བརྡར་བྱ་རྒྱུ།) ལས་རིགས་སྦྱོང་བརྡར་ཐེངས་དང་པོ་འབུལ་རྒྱུ་ཡིན་ན། ཕྱི་ལོ་ ༢༠༢༣་་་ ༢༤ ལོའི་སྦྱོང་བརྡར་སྐབས་དང་པོའི་ཁོངས་སུ་གཤམ་གསལ་ཆ་རྐྱེན་ལྡན་ཞིང་དོ་དབྱིངས་ཡོད་རིགས་ནས་འཚང་སྙན་འགེངས་ཤོག་དང་དགོས་མཁོ་ཡིག་ཆ་བཅས་ཕྱི་ལོ་ ༢༠༢༣ ཟླ་བ་ ༠༨ ཚེས་ ༢༥ འགྱངས་མེད་འདི་གར་ཕུལ་འབྱོར་ཐུབ་པ་དགོས།
འཚང་སྙན་འབུལ་མིའི་ཆ་རྐྱེན།
༡) སློབ་སྦྱོང་དང་ལས་ཀ་གང་ཡང་བྱེད་མུས་མིན་པ།
༢) འཛིན་གྲྭ་བཅུ་གཉིས་ཐོན་པའི་ལག་ཁྱེར་དགོས་པ།
༣) འཚང་སྙན་འབུལ་མི་རང་ལོ་ ༢༨ ལས་མ་བརྒལ་བ་ཞིག་ཡིན་དགོས།
༤) སྦྱོང་བརྡར་མཐར་འཁྱོལ་ཞུ་རྒྱུའི་ཆོད་སེམས་བརྟན་པོ་དགོས།
༥) དང་བླངས་དཔྱ་དངུལ་གཙང་འབུལ་ཟིན་པའི་ལག་དེབ་ཀྱི་ངོ་བཤུས། 
