༄༅། །ཆེས་དགའ་འོས་པའི་གཏམ་བཟང་ཞིག་ལ་བྱང་ཨ་རིའི་ཀེ་ལི་ཕོ་ནི་ཡའི་ཀོན་ཀྲ་ཀོས་ཊ་ (Contra Costa) རྫོང་གིས་འཛིན་སྐྱོང་ལྷན་ཚོགས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ཉིན་མོ་དེ་བཞིན་ཞི་བདེ་དང་དྲང་བདེན་གྱི་ཉིན་མོར་སྲུང་བརྩི་ཞུ་རྒྱུའི་གྲོས་ཆོད་གཏན་འབེབས་གནང་འདུག

དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ཉིན་མོ་དེ་བཞིན་ཞི་བདེ་དང་དྲང་བདེན་གྱི་ཉིན་མོར་སྲུང་བརྩི་ཞུ་རྒྱུའི་ཐག་གཅོད་དེ་བཞིན་མགོན་པོ་གང་ཉིད་མཆོག་གི་འཛམ་གླིང་ཞི་བདེ་དང་དྲང་བདེན་གྱི་བཀའ་སློབ་ལམ་སྟོན་གནང་བར་བཟང་ཕྱོགས་ཀྱི་ཤུགས་རྐྱེན་ཐེབས་ཀྱི་ཡོད་པའི་མཚོན་རྟགས་ཡིན་ཞིང་། དེ་ལྟ་བུའི་གྲོས་ཆོད་གཏན་འབེབས་སླད་བོད་མི་འཐབ་རྩོད་པ་བསྟན་འཛིན་རང་གྲོལ་ལགས་དང་། རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལགས་ནས་ཞུ་གཏུག་འབད་རྩོལ་གནང་ཡོད་པ་བཅས།།