༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། བོད་མི་མང་སྤྱི་འཐུས་ཟླ་བ་ཚེ་རིང་ལགས་དང་། སྤྱི་འཐུས་ཡེ་ཤེས་སྒྲོལ་མ་ལགས། སྤྱི་འཐུས་བསྟན་པ་ཡར་འཕེལ་ལགས་བཅས་ནས་ཕྱི་ལོ་ ༢༠༢༣ ཟླ་ ༨ ཚེས་ ༢༧ ནས་འགོ་འཛུགས་ཏེ། རྒྱ་གར་དབུས་གཞུང་གི་ཐད་ཀར་འཛིན་སྐྱོང་འོག་ཡོད་པའི་ཇ་མུ་ཀ་ཤི་མིར་ཁུལ་ལ་བོད་དོན་ཞུ་སྐུལ་གནང་བཞིན་ཡོད་པ་ལྟར། ཕྱི་ཚེས་ ༢༩ ཉིན་བོད་མི་མང་སྤྱི་འཐུས་རྣམ་པས་རྒྱ་གར་བློན་ཆེན་ཟུར་པ་སྐུ་ཞབས་རཱ་མན་བྷ་ལ་ (Shri. Raman Bhalla, Former Minister Jammu-Kashmir Pradesh Congress Committee and Former Cabinet Minister) མཆོག་དང་།  ཇ་མུ་ཁུལ་གྱི་ཝི་ཤ་ཝ་ཀར་མ་ཚོགས་པའི་ཚོགས་གཙོ་སྐུ་ཞབས་ཤ་ཤི་ཝར་མ་ (Shri. Shashi Verma, President of Vishwakarma Sabha Jammu and Kashmir ) མཆོག (National Conference) སྲིད་དོན་ཚོགས་པའི་དྲུང་ཆེ་སྐུ་ཞབས་ཤ་ཡེག་ཨེ་མཌ་ (Shri Sheikh Ahmad) མཆོག

རྒྱ་གར་རྒྱལ་ཡོངས་དང་བླངས་སྤྱི་ཚོགས་ཞབས་ཞུ་ཚོགས་པ་ (RSS) ཡི་ཚོགས་མི་ཁག་ཅིག དམག་སྤྱི་ཟུར་པ་སྐུ་ཞབས་ར་ཀེ་ཤར་མ་ (Lt General R K Sharma retd) མཆོག ཇ་མུ་ཁུལ་གྱི་ཝི་ཤི་ཝ་ཧིན་དྷུ་པ་ར་ཤཏ་ཚོགས་པའི་ཚོགས་གཙོ་སྐུ་ཞབས་ར་ཇེ་ཤི་གྷུབ་ཏ་ (Shri. Rajesh Gupta, State President of Vishva Hindu Parshad, Jammu) མཆོག ས་གནས་གྲོས་ཚོགས་གོང་མའི་འཐུས་མི་ཟུར་པ་དང་།  (National Conference) སྲིད་དོན་ཚོགས་པའི་ཚོགས་གཙོ་སྐུ་ཞབས་ར་ཏན་ལལ་གྷུབ་ཏ་ (Shri. Ratan Lal Gupta, Former MLC and President of National Conference of Jammu) མཆོག (Aam Aadmi Party) སྲིད་དོན་ཚོགས་པའི་དྲུང་ཆེ་སྐུ་ཞབས་ཨ་ནིལ་ལན་གྷར་ (Mr Anil Langer) མཆོག་བཅས་དང་ལྷན་རིམ་པས་མཇལ་འཕྲད་ཀྱིས་བོད་དོན་ཐོག་སྔར་ལྷག་རྒྱབ་སྐྱོར་ཡོང་ཐབས་སྐོར་སོགས་ཞུས་གནང་བ་དང་སྦྲགས། བོད་མི་མང་སྤྱི་འཐུས་ལྷན་ཚོགས་ཀྱི་བོད་དོན་ཞུ་ཡིག་དང་། སྤྱི་འཐུས་ལྷན་ཚོགས་ཀྱི་དྲན་རྟེན་ཕྱག་རྟགས་བཅས་སོ་སོར་ཕུལ་གནང་ཡོད།གཞན་ཡང་བོད་མི་མང་སྤྱི་འཐུས་རྣམ་པས་རྒྱ་གར་གསར་ཁང་ (News X) དང་། (Republic TV) (Jammu News) (India Daily) (Times Now) བཅས་ཀྱི་གསར་འགོད་པའི་བཅར་འདྲི་ཁག་ལ་ལན་འདེབས་གནང་ཡོད་པ་བཅས། །

་