༄༅། ། ཕྱི་ལོ་ ༢༠༢༣ ཟླ་བ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༨ ལ་ཕེབས་པའི་༧སྐུའི་འཁྲུངས་སྐར་དུས་ཆེན་དང་བསྟུན། རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རིག་གཞུང་བསྟི་གནས་ཁང་ (India Habitat Centre) དུ་གོང་ཚེས་ཉིན་གྱི་དགོང་དྲོ་ལྡི་ལི་སྐུ་ཚབ་དོན་གཅོད་ཁང་གི་གོ་སྒྲིག་འོག་སྐུ་མགྲོན་གཙོ་བོར་གཞུང་ཚབ་ཟུར་པ་སྐུ་ཞབས་ཤིཝ་ཤང་ཀར་མེ་ནོན་ (Shivshankar Menon) ལགས་ཀྱིས་གཙོས་པའི་རྒྱ་གར་རྒྱལ་ས་ལྡི་ལིར་ཡོད་པའི་རྒྱལ་ཁབ་ཁག་སུམ་ཅུ་ཙམ་གྱི་གཞུང་ཚབ་དང་། རྒྱ་གར་གྱི་དཔོན་རིགས། གནད་ཡོད་མི་སྣ་སོགས་ཁྱོན་མི་གྲངས་ ༢༠༠ ལྷག་ལ་དགོང་དྲོའི་གསོལ་ཚིགས་འདེགས་འབུལ་ཞུས་ཡོད་པ་བཅས། །