༄༅། །བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ན་གཞོན་རོགས་སྐྱོར་ཚན་པས་སྒྱུ་རྩལ་ལས་རིགས་སྦྱོང་བརྡར་བརྒྱུད་རང་རེའི་གཞོན་སྐྱེས་རྣམས་ཀྱི་ནུས་སྟོབས་གོང་འཕེལ་དང་རང་འཚོ་ཐུབ་པའི་གནས་སྟངས་ཇེ་བཟང་དུ་གཏོང་ཆེད་ Amazon Web Service (AWS), re/Start Cloud Computing ཞེས་དྲྭ་རྒྱའི་བརྒྱུད་བརྡ་འཕྲིན་དང་འཕྲུལ་ལས་ཞབས་ཞུ་མཁོ་སྤྲོད་བྱེད་ཕྱོགས་ཐོག་དུས་ཡུན་བདུན་ཕྲག་ ༡༢ (བདུན་ཕྲག་དང་པོ་གཉིས་འཛིན་ཁང་དུ་ངོ་བཅར་དང་འཕྲོས་བདུན་ཕྲག་བཅུ་སོ་སོའི་གནས་ཡུལ་ནས་དྲྭ་ཐོག་)སྦྱོང་བརྡར་ཐེངས་གཉིས་པ་དེ་བཞིན་འདི་ལོའི་ཕྱི་ཟླ་ ༠༥ ནང་ལེགས་གྲུབ་ཀྱིས་སྦྱོང་བརྡར་བ་རྣམས་ལ་ལས་ཀའི་གོ་སྐབས་འཐོབ་མུས་ལ་ལྟར་མདུན་ལམ་གྱི་ཕུགས་དམིགས་ལྡན་པའི་ན་གཞོན་རམ་འདེགས་ཀྱི་ལས་གཞི་ཞིག་ཏུ་འགྱུར་བཞིན་པར་བརྟེན། དེ་ལྟ་བུའི་སྦྱོར་བསྡར་ཐེངས་གསུམ་པ་འདི་ལོའི་ཕྱི་ཟླ་ ༠༧ པའི་ནང་རྒྱ་གར་བྱང་ཕྱོགས་རྡ་སར་གོ་སྒྲིག་ཞུ་འཆར་ཡོད་ན། གཤམ་གསལ་ཆ་རྐྱེན་ལྡན་ཞིང་སྦྱོང་བརྡར་ནང་ཞུགས་བློ་ཡོད་རིགས་ནས་ ༢༠༢༣ ཟླ་བ་ ༠༧ ཚེས་ ༣༠ འགྱངས་མེད་འདི་གར་འཚང་སྙན་འབུལ་དགོས་པ་བཅས།།

རྩ་འཛིན་ལམ་སྟོན་དང་འགེང་ཤོག་འདིར་སྣོན།