༄༅། །ལྷོ་ཨ་རིའི་སྐུ་ཚབ་དོན་ཁང་དུ་ཛེན་ལུགས་ཀྱི་ནང་ཆོས་ཁྱབ་སྤེལ་སྐུ་ཚབ་ལྕམ་མོན་ཇ་ཀོ་ཧན་རོ་ཤི་ལགས་ཆེད་ཕེབས་ཀྱི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་དང་མཇལ་མོལ་གནང་ཡོད་པ་རེད།

དེ་ཡང་ཁོང་མོ་སྐུ་ཚབ་དོན་ཁང་དུ་ཆེད་ཕེབས་སྐབས་སྐུ་ཚབ་དོན་གཅོད་ཀྱིས་ཕེབས་བསུ་དང་དང་སྦྲགས། ཁོང་ཉིད་སྐུ་ཚབ་དོན་ཁང་དུ་ཕེབས་པ་མ་ཟད་བོད་དོན་ལ་རྒྱབ་སྐྱོར་མུ་མཐུད་གནང་བར་ཐུགས་རྗེ་ལེགས་འབུལ་ཞུས་ཤིང་། དེ་རྗེས་ལྕམ་མོན་ཇ་ཀོ་ཧོན་རོ་ཤི་ལགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཁམས་འཕྲོད་བཞེས་སྐོར་དྲི་ཞིབ་གནང་བ་དང་འབྲེལ་སླད་མར་མུ་མཐུད་འབྲེལ་བ་ཡོང་བའི་འབོད་སྐུལ་ཞུས་ཡོད།

མཇལ་མོལ་སྐབས་སུ་བསམ་ཚུལ་དང་། ཐུན་མོང་གི་ཞི་བདེའི་མངོན་འདོད་སོགས་ཀྱི་ཐད་གྲོས་མོལ་བྱུང་བ་མ་ཟད། ཕན་ཚུན་དྲན་རྟེན་བརྗེ་ལེན་ཡང་གནང་ཡོད། འདུ་འཛོམས་ཐོག་གཙུག་ལག་སློབ་དཔོན་ལི་ཧ་དི་སི་ཀིན་ (Lia Diskin) ལགས་དང་། གཙུག་ལག་སློབ་དཔོན་བྷ་སི་ལོ་ (Basilio) ལགས། པ་ལ་སི་ཨེ་ཐེ་ན་བསྟི་གནས་ཁང་ (Palas Athena Institute) གི་ཀྲོ་ནི་ཀུ་ཊར་ (Tonia Aucter) ལགས་སོགས་མཉམ་ཞུགས་གནང་ཡོད་པ་བཅས།།