༄༅། །མོན་གྷོ་འདོད་རྒུ་གླིང་ས་གནས་སུ་སོ་ནམ་སློབ་སྟོན་པའི་ས་མིག་འཕར་མ་གྲངས་ ༡ ཆེད་ཆོད་གན་གྱི་ངོ་བོའི་ཐོག་བསྐོ་གཞག་གནང་རྒྱུ་ལགས་ན་གཤམ་གསལ་གྱི་ཆ་རྐྱེན་ཚང་རིགས་ནས་འཚང་སྙན་འབུལ་འཐུས།
ཀ༽ དགོས་མཁོའི་ཆ་རྐྱེན།
༡། ཤེས་ཚད། ཉུང་མཐར་འཛིན་རིམ་བཅུ་གཉིས་ཐོན་པའམ། ཡང་ན་དེ་དང་མཉམ་པའི་ཤེས་ཚད་ལག་འཁྱེར་ཡོད་པ་གང་ཞིག་སོ་ནམ་ལས་དོན་ཐོག་དོ་དབྱིངས་དང་ཉམས་མྱོང་ཡོད་དགོས། སོ་ནམ་སློབ་ཚན་ཐོག་ཉེ་བའི་གཙུག་ལག་རབ་འབྱམས་པ་ (B.Sc. Agriculture) ཐོན་པའམ། དེ་དང་མཉམ་པའི་ཤེས་ཚད་ལག་འཁྱེར་ (BA or equivalent to BA) ཡོད་རིགས་ལ་དམིགས་བསལ་དགོངས་བཞེས་གནང་རྒྱུ།
༢། ལོ་ཚད། ཕྱི་ལོ་ ༢༠༢༣ ཟླ་ ༦ ཚེས་ ༦ བར་རང་ལོ་ ༤༠ ལས་མ་བརྒལ་བ་དགོས་རྒྱུ།
༣། ཉམས་མྱོང་། ཤེས་ཚད་ལག་འཁྱེར་ཡོད་ཐོག་དེ་སྔོན་ཨི་ཛི་རལ་དང་ཉི་ཧོང་སོགས་སུ་སོ་ནམ་སྦྱོང་བརྡར་དང་གླ་ཡོད་ལས་རིགས་སོགས་ལ་བསྐྱོད་དེ་རྙོག་གླེང་གང་ཡང་མེད་པར་ཕྱིར་ལོག་བྱུང་བའི་ན་གཞོན་དང་། རྒྱུན་དུ་རང་ས་རང་འདེབས་བྱེད་མཁན་གྱི་ན་གཞོན་རིགས་ལ་དམིགས་བསལ་དགོངས་བཞེས་གནང་རྒྱུ།
ཁ༽ དགོས་མཁོའི་ཡིག་ཆ།
༡། དོ་བདག་གི་ཞུ་སྙན་དང་ཤེས་ཚད་ལག་འཁྱེར་གྱི་ངོ་བཤུས།
༢། འབུལ་འབབ་གཙང་ཕུལ་ཟིན་པའི་དཔྱ་དངུལ་ལག་དེབ་ཀྱི་ཤོག་ངོས་དང་པོ་དང་གཉིས་པ། མཐའ་མ་བཅས་ཀྱི་ངོ་བཤུས་དང་རྒྱ་གར་ནང་གནས་སྡོད་ཆོག་པའི་སྐྱབས་བཅོལ་ལག་དེབ་དུས་འགྱངས་ཞུས་ཟིན་པའི་ངོ་བཤུས་དགོས་རྒྱུ།
༣། རང་ཉིད་གཏན་སྡོད་བྱ་ཡུལ་ས་གནས་འགོ་འཛིན་ལས་ཁུངས་ནས་རྒྱུན་དུ་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ངོ་མ་དགོས།
༤། སོ་ནམ་ལས་གཞི་དང་འབྲེལ་བའི་ཟབ་སྦྱོང་བྱས་མྱོང་བའི་ལག་འཁྱེར་ཡོད་ཚེ་དེའི་ངོ་བཤུས།
༥། ལས་ཀ་བྱེད་བཞིན་པ་ཡིན་ཚེ་འབྲེལ་ཡོད་ལས་ཡུལ་ནས་དགག་བྱ་མེད་པའི་ངོས་སྦྱོར་དགོས་རྒྱུ།
༦། ངོས་འཛིན་ཡོད་པའི་སྨན་ཁང་ཞིག་ནས་གཟུགས་འབབ་ལས་འཕེར་ཡིན་པའི་སྨན་པའི་ངོས་སྦྱོར་དགོས་རྒྱུ།
༧། འཚང་སྙན་འབུལ་རྒྱུའི་ལག་འཁྱེར་དང་ཡིག་ཆ་རྣམས་ཀྱི་སྟེང་དུ་བོད་མིའི་སྒྲིག་འཛུགས་ཀྱི་ཟུང་དྲུང་ཡན་ནམ། ཡང་ན་ས་གནས་འགོ་འཛིན་གང་རུང་གི་དག་མཆན་འཁོད་དགོས་རྒྱུ།
ག༽ གླ་ཕོགས་དང་ཐོབ་ཐང་གཞན།
༡། ཟླ་རེར་སྒང་ཕོགས་འབབ་ཧིན་སྒོར་ ༢༡,༩༧༨།༠༠ ༼རྩ་ཕོགས་ ༡༩,༨༠༠།༠༠ དང་ཡུལ་ཐང་གུན་གསབ་ ༢,༡༧༨།༠༠༽ འཐོབ་རྒྱུ་དང་།
༢། ཐོབ་ཐང་གཞན་ཁག་དབུས་བོད་མིའི་ངལ་སེལ་ཚོགས་པའི་ཆོད་གན་ལས་བྱེད་གཞན་སྤྱི་མཚུངས་ལྟར་ཐོབ་རྒྱུ།
གོང་གསལ་ཆ་རྐྱེན་རྣམས་ཚང་ཞིང་མོན་གྷོའི་སོ་ནམ་སློབ་སྟོན་པའི་ལས་གནས་ཐོག་ཞུགས་བློ་ཡོད་རིགས་ནས་ཕྱི་ལོ་ ༢༠༢༣ ཟླ་ ༦ ཚེས་ ༢༠ རེས་གཟའ་ཟླ་བ་ཕྱི་དྲོ་ཆུ་ཚོད་ ༥་༠༠ ནང་ཚུད་གཤམ་གསལ་མོན་གྷོ་ས་གནས་འགོ་འཛིན་ལས་ཁུངས་སུ་ཞུ་སྙན་འབུལ་དགོས་རྒྱུ་དང་དེའི་རྗེས་སུ་ཞུ་སྙན་ཕུལ་འབྱོར་བྱུང་རིགས་ལ་ངོས་ལེན་ཞུ་རྒྱུ་མིན། བཅས་མོན་གྷོ་འདོད་རྒུ་གླིང་ས་གནས་འགོ་འཛིན་ལས་ཁུངས་ནས་ཕྱི་ལོ་ ༢༠༢༣ ཟླ་ ༦ ཚེས་ ༥ ལ།།
དོགས་འདྲི་དང་འཚང་སྙན་འབུལ་ཡུལ།
Doeguling Tibetan Settlement, P.O. Tibetan Colony,
Mundgod-581411, District Karwar, Karnataka State
Phone: 08301 245732, Email: [email protected]
Secretary mobile: 7319485220
AEO mobile: 8147295551
