༄༅། །བོད་མིའི་སྒྲིག་འཛུགས་ཀྱི་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀྱིས་རྒྱ་གར་ལྷོ་ཕྱོགས་ཀོ་ལི་གྷལ་དོན་ལྡན་གླིང་བོད་མིའི་གཞིས་ཆགས་སུ་གཞུང་འབྲེལ་ཕྱོགས་ཕེབས་གནང་བཞིན་པ་དང་སྟབས་བསྟུན་ཕྱི་ལོ་ ༢༠༢༣ ཟླ་བ་ ༠༦ ཚེས་ ༠༩ ཉིན་ཀོ་ལི་གྷལ་སམ་བྷོ་ཊ་སློབ་གྲྭའི་བསྐྱར་བཟོ་ཟིན་པའི་འཛིན་ཁང་དྲུག་དབུ་འབྱེད་གནང་ཡོད།
ཀོ་ལི་གྷལ་དོན་ལྡན་གླིང་དུ་གཞུང་འབྲེལ་ཕྱོགས་ཕེབས་སྐབས་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀྱིས་ས་གནས་གཞིས་མི་རྣམས་ལ་གསུང་བཤད་དང་དོགས་འདྲི་ཁག་ལ་ལན་འདེབས་གསལ་བཤད་གནང་བ་མ་ཟད། ས་གནས་མཉམ་ལས་དང་། ས་གནས་འགོ་འཛིན་ལས་ཁུངས་དུ་གཟིགས་སྐོར་དང་། དེ་བཞིན་ས་ཁང་དང་འབྲེལ་བའི་སྐོར་ཚོགས་འདུ་བསྐོང་ཚོགས་གནང་རྗེས་སྦེང་ལོར་དུ་ཕེབས་ཐོན་གནང་ཡོད་པ་བཅས།། 
