༄༅། །ཕྱི་ལོ་ ༢༠༢༣ ཟླ་བ་ ༠༦ ཚེས་ ༠༨ ཉིན་བོད་མིའི་སྒྲིག་འཛུགས་ཀྱི་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་དང་། ལྷོ་ཕྱོགས་གཞིས་ཆགས་ཁག་གི་འབྲེལ་མཐུད་པ་ཟུང་དྲུང་བསྟན་འཛིན་ཀུན་བཟང་ལགས་རྣམ་གཉིས་ཀོ་ལོ་གྷལ་དོན་ལྡན་གླིང་བོད་མིའི་གཞིས་ཆགས་སུ་ཕེབས་འབྱོར་བྱུང་ཡོད།

དེ་ཡང་ཀོ་ལི་གྷལ་དོན་ལྡན་གླིང་བོད་མིའི་གཞིས་ཆགས་སུ་ཁོང་རྣམས་ནས་རྒས་གསོ་ཁང་དུ་ཆེད་ཕེབས་ཀྱིས་རྒན་རབས་པ་རྣམས་དང་ལྷན་བཀའ་མོལ་དང་། དེ་རྗེས་ས་གནས་འགོ་འཛིན་ལས་ཁུངས་དང་། ས་གནས་མཉམ་ལས། ཡན་ལག་སྨན་རྩིས་ཁང་། ས་གནས་འཕྲོད་བསྟེན་སྨན་ཁང་གཙོས་པའི་གཞུང་དང་གཞུང་ཁོངས་མིན་པའི་ཚོགས་པ་ཁག་གི་སྐུ་ཚབ་དང་ལྷན་དུ་གཞིས་ཆགས་སྲ་བརྟན་དང་འབྲེལ་བའི་སྐོར་ཚོགས་འདུ་བསྐོང་ཚོགས་གནང་ཡོད་པ་མ་ཟད། གམ་བུ་རའི་རིགས་ཀྱི་ཤིང་འབྲས་ཀྱི་ཞིང་ས་དང་། གླང་ཆེན་སླེབས་སའི་ཞིང་སར་གཟིགས་ཞིབ། དེ་བཞིན་ལུས་སྦྱོང་ཁང་དང་། ཡན་ལག་སྨན་རྩིས་ཁང་། ས་གནས་འཕྲོད་བསྟེན་སྨན་ཁང་བཅས་སུ་གཟིགས་སྐོར་གནང་ཡོད་པ་བཅས།།