༄༅། །ཕྱི་ལོ་ ༢༠༢༣ ཟླ་བ་ ༠༥ ཚེས་ ༢༢ ཉིན་རྡ་ས་ས་གནས་འགོ་འཛིན་དཀོན་མཆོག་མིག་དམར་ལགས་ཀྱིས་ཧི་མ་ཅཱལ་མངའ་སྡེའི་གཞུང་ལམ་འཛུགས་སྐྲུན་ལྷན་ཁང་གི་བློན་ཆེན་སྐུ་ཞབས་བིཀྲམཱ་དིཏྱ་སིངྒ་མཆོག་དང་མཇལ་འཕྲད་ཀྱིས་རྡ་ས་གནས་བོད་མི་རྣམས་ཀྱི་ཚབ་ཞུས་ཏེ་འཚམས་འདྲི་ཞུས་ཡོད།
སྐབས་དེར་ས་གནས་འགོ་འཛིན་དཀོན་མཆོག་མིག་དམར་ལགས་ཀྱིས་རྡ་ས་གནས་སྡོད་བོད་མི་རྣམས་ཀྱི་དཀའ་ངལ་ཁག་གཅིག་སྙན་སེང་དང་། དེ་འབྲེལ་དཀའ་སེལ་ཡོང་བའི་འབོད་སྐུལ་ཞུས་པ་དང་སྦྲགས། རིང་མིན་བཞུགས་སྒར་རྡ་ས་འཚོག་འཆར་ཡོད་པའི་རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་ཆེན་མོའི་སྐུ་མགྲོན་དུ་མགྲོན་འབོད་གནང་བ་མ་ཟད། ཁོང་གིས་རྡ་ས་གནས་སྡོད་བོད་མི་རྣམས་ཀྱི་ཚབ་ཞུས་ཏེ་ཧི་མ་ཅཱལ་མངའ་སྡེའི་གཞུང་ནས་མཐུན་འགྱུར་གང་ལེགས་གནང་བར་ཐུགས་རྗེ་ལེགས་འབུལ་ཞུས་ཡོད་པ་བཅས།།
