༄༅། །བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་བདེ་སྐྱིད་གླིང་བོད་མིའི་གཞིས་ཆགས་སུ་འཕྲོད་བསྟེན་ལས་མིའི་ནུས་སྟོབས་གོང་འཕེལ་གཏོང་ཐབས་ཀྱི་ཟབ་སྦྱོང་གོ་སྒྲིག་གནང་ཡོད།

ཟླ་གྲངས་གཅིག་གི་འཕྲོད་ལས་པའི་ཟབ་སྦྱོང་གི་དམིགས་ཡུལ་གཙོ་བོ་ནི། གསར་འདེམས་གནང་བའི་སྨན་ཞབས་མ་རྣམས་ཀྱི་ནུས་སྟོབས་གོང་འཕེལ་གཏང་རྒྱུ་ཡིན་ཞིང་། སྐབས་དེར་སྨན་པ་བློ་བཟང་ཚེ་རིང་ལགས་དང་། བདེ་སྐྱིད་གླིང་ས་གནས་འཕྲོད་བསྟེན་སྨན་ཁང་གི་སྨན་ཞབས་ཚེ་རིང་བདེ་སྐྱིད་ལགས། ཀལ་མན་ཌོན་ས་གནས་འཕྲོད་བསྟེན་སྨན་ཁང་གི་སྨན་ཞབས་ནོར་འཛིན་དབང་མོ་ལགས་ནས་སློབ་སྟོན་གནང་གི་ཡོད་པ་བཅས།།