༄༅། །བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱི་ལམ་སྟོན་འོག་མེའོ་ཆོས་འཕེལ་གླིང་བོད་མིའི་གཞིས་ཆགས་ཀྱི་ས་གནས་འཕྲོད་བསྟེན་སྨན་ཁང་གི་འགན་འཛིན་ལྷ་དབང་ལགས་ཀྱི་སྣེ་ཁྲིད་དེ་བསྟན་འཛིན་སྒང་བོད་མིའི་གཞིས་ཆགས་དང་རྟ་དབང་ཁུལ་དུ་བོད་མི་མང་ཚོགས་ལ་མཆིན་ནད་དུག་ཐབས་ནད་གཞི་ཀ་དང་ཁ་ཡོད་མེད་རིན་མེད་བརྟག་དཔྱད་དང་མཆིན་ནད་དུག་ཐབས་ནད་གཞིའི་སྐོར་གོ་རྟོགས་སྤེལ་གནང་ཡོད། དེ་བཞིན་ས་གནས་འཕྲོད་བསྟེན་སྨན་ཁང་ནས་མཆིན་ནད་དུག་ཐབས་ནད་གཞི་ཡོད་མཁན་གྱི་ནད་པ་རྣམས་ལ་སླར་ཡང་བརྟག་དཔྱད་ཞིབ་ཕྲ་གནང་སྟེ་འབྱུང་འགྱུར་གྱི་ཟླ་བའི་ནང་རིམ་པ་དང་པོ་ནས་གསུམ་པ་བར་གྱི་སྨན་ཁབ་ཆ་ཚང་གནང་རྒྱུ་ཡིན་པ་བཅས།།
