༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན།  བོད་མི་མང་སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས་དང་། སྤྱི་འཐུས་བསྟན་པ་ཡར་འཕེལ་ལགས་རྣམ་གཉིས་ནས་ཕྱི་ལོ་ ༢༠༢༣ ཟླ་ ༤ ཚེས་ ༢༢ ཉིན་བལ་ཡུལ་སྐུ་ཚབ་དོན་གཅོད་རྩིབས་རི་ལོ་པཎ་སྤྲུལ་སྐུ་མཆོག་དང་། དོན་ཁང་གི་དྲུང་ཆེ་ཀརྨ་རྒྱལ་མཚན་ལགས། རྒྱལ་འཕགས་ས་གནས་འགོ་འཛིན་ཀརྨ་བཟོད་པ་ལགས། མཆོད་འཇོར་ས་གནས་འགོ་འཛིན་ཕུར་བུ་བཀྲ་ཤིས་ལགས། ཡང་ལེ་ཤོད་ས་གནས་འབྲེལ་མཐུད་པ་བཅས་དང་ལྷན་ཡང་ལེ་ཤོད་ཀྱི་ས་གནས་བོད་རིགས་མི་མང་ཐུག་འཕྲད་དང་། དེ་བཞིན་རྒས་གསོ་ཁང་དང་། ཤུག་གསེབ་བཙུན་དགོན། སེང་བྲག་སྒྲུབ་སྡེ་བཅས་སུ་ཆེད་བཅར་གྱིས་ས་གནས་མི་མང་གི་བདེ་སྡུག་བསམ་འཆར་ཁག་རེ་རེ་བཞིན་གསན་རྗེས། མི་མང་ནས་བདེ་སྡུག་ཞུས་རིགས་མང་ཆེ་བ་ཚོགས་འདུའི་ཐོག་དོན་གཅོད་དང་ས་གནས་འགོ་འཛིན་ལྷན་བཅར་ཡོད་མུས་ལ་སོང་དཀའ་ངལ་དངོས་ཡོད་ཅན་ཚོར་གཟིགས་རྟོག་དགོས་པའི་བཀོད་མངགས་གནང་ཡོད་པ་བཅས། །