༄༅། །ཕྱི་ལོ་ ༢༠༢༣ ཟླ་བ་ ༠༥ ཚེས་ ༢༡ ཉིན་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་གིས་ཧིནྡུའི་བླ་ཆེན་ཇ་གཊ་གུ་རུ་ཤྲི་ཤིབ་ར་ཐི་དི་ཤི་ཀེན་དྲ་མཧཱ་སྭ་མི་ (Jagadguru Sri Shivarathri Deshikendra Mahaswamiji) མཆོག་དང་། ཇ་གཏ་གུ་རུ་ཤྲི་ཝཱི་ར་སིམ་ཧ་ས་ན་མ་ཧཱ་སམ་ཐ་ན་དགོན་པའི་ཤྲི་རཱ་ཇེན་དྲ་སྭ་མི་ (Rajendra Swami Ji) མཆོག མ་ཧཱ་བིདྱ་པི་ཊ་ཚོགས་པའི་ཚོགས་གཙོ་མཆོག་ལ་འཚམས་འདྲིའི་མཇལ་བཅར་ཞུས་ཡོད་པ་རེད།

སྐབས་དེར་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་གིས་ཉིན་གྲངས་གསུམ་རིང་བྷེང་ལོར་དང་མཻ་སོར་ཁུལ་གྱི་ལས་དོན་ཁག་དང་བོད་དོན་སྐོར་སྙན་སེང་ཞུས་རྗེས་སྭ་བ་མི་ཇི་མཆོག་གིས་ཁོང་གི་ཤེས་ཡོན་བསྟི་གནས་ཁང་དུ་མ་འོངས་པར་ཡང་བོད་དོན་གོ་རྟོགས་གསུང་བཤད་གནང་བར་མགྲོན་འབོད་གནང་ཡོད། གཞན་ཡང་དེ་ཉིན་བཀའ་བློན་མཆོག་གིས་རྒྱ་གར་གྲོས་ཚོགས་འཐུས་མི་སུ་མ་ལ་ཊ་ཨམ་བྷ་རི་ཤི་(Sumalata Ambarish)ལགས་དང་མཇལ་འཕྲད་ཀྱིས་བོད་དོན་གོ་རྟོགས་ལས་འགུལ་སྤེལ་ཕྱོགས་ཇི་དགེའི་ཐད་གྲོས་མོོལ་གནང་སྟེ་ཐེངས་འདིའི་རྒྱ་གར་ལྷོ་ཕྱོགས་ཁུལ་གྱི་གཞུང་འབྲེལ་ཕྱོགས་ཕེབས་ལེགས་པར་མཇུག་སྒྲིལ་ཡོད་པ་བཅས།།