༄༅། །ཕྱི་ལོ་ ༢༠༢༣ ཟླ་བ་ ༠༥ ཚེས་ ༢༢ ཉིན་ལྷོ་སྤྱི་འཇིགས་མེད་ཚུལ་ཁྲིམས་ལགས་ཀྱིས་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་གསར་པ་སྐུ་ཞབས་སིདྡཱ་ར་མཻ་ཡཱ་མཆོག་དང་མཇལ་འཕྲད་ཞུས་ཏེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་བཅས་ནས་སྩལ་བའི་འཚམས་འདྲིའི་གསུང་ཕྲིན་རྣམས་ཕུལ་ཡོད་པ་རེད།

སྤྱི་ཁྱབ་བློན་ཆེན་མཆོག་གིས་མཚམས་འཕྲིན་ལྗགས་ཀློག་གྲུབ་མཚམས་ཀརནཱ་ཊཀ་མངའ་སྡེའི་ནང་ཡོད་པའི་བོད་མི་གཞིས་ཆགས་ཁག་ལྔའི་བོད་མི་རྣམས་ལ་མངའ་སྡེ་གཞུང་ནས་རྒྱབ་སྐྱོར་མཐུན་གྲོགས་མུ་མཐུད་གནང་རྒྱུའི་ཞལ་བཞེས་བཟང་པོ་གནང་ཞིང་། སྐབས་དེར་ལྷོ་སྤྱི་འཇིགས་མེད་ཚུལ་ཁྲིམས་ལགས་ཀྱིས་སྤྱི་ཁྱབ་བློན་ཆེན་མཆོག་ལ་ཐུགས་རྗེ་ལེགས་འབུལ་མཚོན་ཕྱིར་སྟོན་པའི་སྐུ་འདྲ་ཞིག་ཕུལ་ཡོད་པ་བཅས།།