༄༅། །འདི་གར་མན་སྤར་ཕན་བདེ་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༣ ཟླ་ ༤ ཚེས་ ༡༧ རེས་གཟའ་ཟླ་བའི་ཉིན་མན་སྤར་ཕན་བདེ་གླིང་ས་གནས་འགོ་འཛིན་ཚེ་དབང་དབྱངས་མཚོ་ལགས་ཀྱིས་ཨམ་བྷི་ཀ་པུར་རྫོང་དཔོན་ལས་ཁུངས་སུ་ཆེད་བཅར་གྱིས་ས་གནས་རྫོང་དཔོན་སྐུ་ཞབས་ཀུན་ཌན་ཀུ་མར་ (Shri Kundan Kumar) ལགས་དང་ལྷན་མཇལ་འཕྲད་ཞུས་ཡོད། སྐབས་དེར་ས་གནས་འགོ་འཛིན་ཚེ་དབང་དབྱངས་མཚོ་ལགས་ཀྱིས་སྐུ་ཞབས་ཁོང་ནས་ད་བར་མན་སྤར་ཕན་བདེ་གླིང་གི་གཞིས་མི་མང་ཚོགས་ལ་མཐུན་འགྱུར་རོགས་རམ་གང་ཐུབ་གནང་བར་ཐུགས་རྗེ་ཆེ་ཞུས་པ་དང་སྦྲགས། མུ་མཐུད་རོགས་སྐྱོར་གནང་སྐྱོང་ཡོང་བའི་འབོད་སྐུལ་ཡང་ཞུས་ཡོད།  ཕྱོགས་མཚུངས་ས་གནས་རྫོང་དཔོན་ལས་འཕར་ཨམ་རིཏ་ལཱལ་ (Shri. Amrit Lal Dhruv) ལགས་དང་། ས་གནས་ཉེན་རྟོག་འགོ་དཔོན་ལྕམ་སྐུ་བྷཝ་ནཱ་གྷུབ་ཏཱ་  (Mrs. Bhawna Gupta (IPS)) ལགས་རྣམ་གཉིས་དང་ལྷན་མཇལ་འཕྲད་ཞུས་ཡོད།གཞན་ཡང་ཕྱི་ཚེས་ ༡༢ རེས་གཟའ་ལྷག་པ་ཉིན་མན་སྤར་ཉེ་འདབས་སུ་ཡོད་པའི་ནར་བྷ་ཌ་པུར་དུ་རྟེན་གཞི་བྱས་པའི་ཏེ་སིལ་ལས་ཁུངས་ཀྱི་འགོ་དཔོན་ཤིབ་ནཱ་རཱ་ཡན་ (Shivnarayan Rahia) ལགས་ཀྱིས་གཙོས་སྐུ་ཞབས་ཨ་མན་ཀུ་མར་ (Aman kumar Yadav, CEO, Janpath Panchayat, Mainpat) ལགས་དང་། མན་སྤར་ས་གནས་ཉེན་རྟོག་འགོ་དཔོན་ཝི་ཇེ་པྲ་ཏཔ་སིངྒ་ (Vijay Pratap Sigh) ལགས་དང་མཇལ་འཕྲད་ཞུས་ཡོད་པ་བཅས།།