༄༅། །བོད་ཀྱི་སྲིད་བྱུས་ཉམས་ཞིབ་ཁང་གིས་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་དགུ་པ་དེ་ཕྱི་ལོ་ ༢༠༢༣ ཕྱི་ཟླ་ ༨ ཚེས་ ༢༢ ནས་ ༢༤ བར་ཉིན་གསུམ་རིང་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་འཚོག་རྒྱུར་གཏན་ཁེལ་བ་ཡིན་ན། འདི་ལོའི་ཉམས་ཞིབ་ཚོགས་འདུའི་ནང་རྒྱ་གར་གཙོས་པའི་རྒྱལ་སྤྱིའི་གཙུག་ལག་སློབ་ཆེན་ནང་བོད་རིགས་སློབ་མ་འབུམ་རམས་པ་དང་། ཉེ་བའི་འབུམ་རམས་པ། གཙུག་ལག་རབ་འབྱམས་པ། དེ་བཞིན་ཉམས་ཞིབ་ལྟེ་གནས་ཁང་འདྲ་མིན་ནང་ཉམས་ཞིབ་གནང་བཞིན་པ་རྣམས་ནས་སོ་སོའི་སློབ་ཚན་དང་འབྲེལ་བའི་བརྗོད་གཞིའི་ཐོག བོད་ཀྱི་ཆབ་སྲིད་དང་། རིག་གཞུང་། མི་རིགས། ཆོས་འབྱུང་དང་རྒྱལ་རབས། ཁོར་ཡུག་སོགས་དང་། ལྷག་པར་དུ་བོད་ནང་གི་རྒྱ་ནག་གི་སྲིད་བྱུས་དང་འབྲེལ་བའི་ཐོག་གཏམ་བཤད་དང་དཔྱད་རྩོམ་གནང་དགོས། དཔྱད་རྩོམ་འབུལ་ཕྱོགས་སོགས་ཞིབ་ཕྲའི་གནས་ཚུལ་གཤམ་གསལ་ལྟར་ཏེ།
ཚོགས་བཅར་བས་སྙན་ཞུ་དང་རྩོམ་ཡིག་གི་ནང་དོན་གནད་བསྡུས་འབུལ་ཕྱོགས་ཀྱི་ལམ་སྟོན།
༡༽ ཚོགས་བཅར་གནང་འདོད་ཡོད་པ་རྣམས་ནས་ཕྱི་ལོ་ ༢༠༢༣ ཟླ་ ༥ ཚེས་ ༢༥ འགྱངས་མེད་རྩོམ་ཡིག་གི་ནང་དོན་གནད་བསྡུས་ཚིག་འབྲུ་ ༢༥༠ ལས་མི་ཉུང་བ་དང། ༣༠༠ ལས་མི་མང་བ་འབུལ་དགོས།
༢༽ སྙན་ཞུའི་ལྷན་དུ་ཚིག་འབྲུ་ ༢༠༠ ནས་ ༢༥༠ བར་འཁོད་པའི་སོ་སོའི་ལོ་རྒྱུས་འབུལ་དགོས། (ལག་ཐོགས་ཁ་པར་ཨང་ངེས་པར་དུ་དགོས།)
༣༽ རྩོམ་ཡིག་གི་ནང་དོན་གནད་བསྡུས་རྣམས་འདེམས་སྒྲུག་ཚོགས་ཆུང་ནས་ཞིབ་འཇུག་ཟིན་རྗེས་འདེམས་སྒྲུག་ཁོངས་སུ་ཚུད་པའི་མཉམ་ཞུགས་པ་རྣམས་ལ་ཕྱི་ལོ་ ༢༠༢༣ ཟླ་ ༦ ཚེས་ ༥ ཉིན་འབྲེལ་བ་ཞུ་རྒྱུ།
རྩོམ་བསྡུ་དང་འབྲེལ་བའི་གནད་དོན།
༡༽ འདེམས་སྒྲུག་ཁོངས་སུ་ཚུད་པའི་མཉམ་ཞུགས་པ་རྣམས་ནས་དཔྱད་རྩོམ་རྒྱས་པ་ ༢༠༢༣ ཟླ་ ༨ ཚེས་ ༡༠ གོང་འདི་ལས་སུ་ཕུལ་ཟིན་པ་དགོས་རྒྱུ། འདི་གའི་དུས་དེབ་སུ་འདེམས་སྒྲུག་བྱུང་བའི་དཔྱད་རྩོམ་འབྲི་མཁན་རྣམས་ལ་མཚན་དོད་སྒོར་ ༥༠༠༠/- རེ་འབུལ་རྒྱུ།
༢༽ རྩོམ་ཡིག་རྒྱས་པའི་ཚིག་འབྲུ་ ༤༠༠༠ ལས་མི་ཉུང་བ་དགོས་ཤིང་། དཔྱད་རྩོམ་རིང་དྲགས་ཚེ་དོ་བདག་ལ་ཐུང་དུ་གཏོང་དགོས་ཞུ་རྒྱུའམ། རྩོམ་སྒྲིག་པར་ཐུང་དུ་གཏོང་རྒྱུའི་དབང་ཚད་ཡོད།
༣༽ རྩོམ་ཡིག་དང་གཏམ་བཤད་གཉིས་ཀ་བོད་ཨིན་སྐད་ཡིག་གང་རུང་ཐོག་གནང་ཆོག།
ཚོགས་འདུའི་སྐོར་དོགས་འདྲི་ཡོད་ཚེ། འབྲེལ་མཐུད་པ་འབུམ་རམས་པ་ཚེ་དབང་རྡོ་རྗེ་ལགས་དང་། འབུམ་རམས་པ་ཚེ་རིང་སྒྲོལ་མ་ལགས་ལ་ཐད་ཀར་འབྲེལ་བ་གནང་དགོས།
འབུམ་རམས་པ་ཚེ་དབང་རྡོ་རྗེ། (༩༠༠༣༠༨༡༥༧༦) དང་། འབུམ་རམས་པ་ཚེ་རིང་སྒྲོལ་མ། (༨༦༢༩༨༨༩༣༦༥)
འབྲེལ་གཏུག་གློག་འཕྲིན་ཁ་བྱང་། [email protected]
བོད་ཀྱི་སྲིད་བྱུས་ཉམས་ཞིབ་ཁང་ནས། ཕྱི་ལོ་ ༢༠༢༣ ཟླ་ ༤ ཚེས་ ༢༥ ཉིན།
