༄༅། །ཕྱི་ལོ་ ༢༠༢༣ ཟླ་བ་ ༠༤ ཚེས་ ༠༧ ཉིན་བསུ་ན་མདའ་བཀྲ་ཤིས་གླིང་བོད་མིའི་གཞིས་ཆགས་ཀྱི་ས་གནས་འགོ་འཛིན་གསར་རྙིང་བར་རྩིས་སྤྲོད་རྩིས་ལེན་ལེགས་པར་གྲུབ་ཡོད་པ་རེད།
དེ་ཡང་གོང་ཚེས་ཉིན་རྒྱ་གར་བྱང་ཤར་རྡོ་རྗེ་གླིང་རྫོང་ཁོངས་བསུ་ན་མདའ་བཀྲ་ཤིས་གླིང་བོད་མིའི་གཞིས་ཆགས་ཀྱི་ས་གནས་འགོ་འཛིན་ལས་ཚབ་ཚེ་དབང་ཕུན་ཚོགས་ལགས་དང་ཚབ་གསར་ས་གནས་འགོ་འཛིན་བསྟན་འཛིན་རང་གྲོལ་ལགས་བར་རྩིས་སྤྲོད་རྩིས་ལེན་ལེགས་གྲུབ་ཀྱིས་ས་འགོ་གསར་པའི་ལས་ཁུར་དབུ་འཛུགས་གནང་ཡོད།
རྩིས་སྤྲོད་རྩིས་ལེན་གྱི་མཛད་སྒོའི་ཐོག་ས་གནས་རང་བདེན་ཚོགས་ཆུང་དང་། ས་གནས་མཉམ་འབྲེལ། ས་གནས་བོད་ཀྱི་གཞོན་ནུ་ལྷན་ཚོགས། ས་གནས་བུད་མེད་ལྷན་ཚོགས། དེ་བཞིན་གཞིས་ཆགས་ཀྱི་བརྒྱ་དཔོན་བཅས་མཉམ་ཞུགས་གནང་ཡོད་པ་བཅས། །
