༄༅།  །འདི་གར་བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ནས་བཏང་གནས་ནང་འཁོད་དོན།  ཕྱི་ལོ་ ༢༠༢༣ ཟླ་བ་ ༤ ཚེས་ ༢༥ ཉིན་གུང་ཆུ་ཚོད་ ༡།༠༠ ཙམ་ལ་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་ཆབ་སྲིད་བཙོན་ཟུར་མགོ་ལོག་འཇིགས་མེད་རྒྱ་མཚོ་ལགས་དང་མཇལ་མོལ་གནང་ཡོད་པ་དང་།   མཇལ་མོལ་སྐབས་ཆབ་སྲིད་བཙོན་ཟུར་མགོ་ལོག་འཇིགས་མེད་རྒྱ་མཚོ་ལགས་ཀྱི་དཔེ་དེབ་གསར་པ་ ༼ བདེན་རྒྱབ་འཚོལ་བའི་འབོད་སྒྲ། ༽ ཞེས་པ་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་ལ་པར་ཕུད་དུ་ཕུལ་གནང་ཡོད།  དཔེ་དེབ་འདི་བཞིན་ཕྱི་ལོ་ ༢༠༢༣ ཟླ་བ་ ༢ ཚེས་ ༨ ཉིན་བོད་ཀྱི་དཔེ་མཛོད་ཁང་དུ་དབུ་དབྱེད་གནང་ཡོད་པ་དང་།   དཔེ་དེབ་ནང་ཆབ་སྲིད་བཙོན་ཟུར་མགོ་ལོག་འཇིགས་མེད་ལགས་ཀྱིས་རང་ཉིད་རྒྱ་དམར་བཙན་འོག་ཏུ་ཚུད་སྐབས་ཀྱི་མི་ཚེའི་བྱུང་བ་གསལ་ཡོད་པ་བཅས། །