༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ལྷོ་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྲིམས་ཞིབ་པ་བསྟན་འཛིན་ཡོན་ཏན་ལགས་ཀྱིས་ཕྱི་ལོ་ ༢༠༢༣ ཟླ་ ༠༣ ཚེས་ ༡༨ ཉིན་ཧོན་སུར་རབ་རྒྱས་གླིང་གི་སྐབས་ ༡༡ པའི་ས་གནས་འཐུས་ཚོགས་ཀྱི་འདེམས་ཐོན་ཚོགས་མི་གྲངས་ ༡༣ ནས་ཚོགས་མི་གྲངས་ ༡༡ དང་། དེ་དག་གི་ཁོངས་ནས་ཚོགས་གཙོར་ཟླ་བ་བསྟན་འཛིན་ལགས་དང་ཚོགས་གཞོན་དུ་ངག་དབང་བསྟན་འཛིན་ལགས་བཅས་ནས་ས་གནས་ཁྲིམས་ཞིབ་པ་མདུན་སར་ས་འཐུས་ཀྱི་ལས་འཁུར་དམ་བཅའ་འབུལ་བཞེས་ལེགས་གྲུབ་བྱུང་འདུག་པ་བཅས། །
