༄༅། ། ཀར་ནཱ་ཊ་ཀ་མངའ་སྡེའི་གཙུག་ལག་སློབ་གཉེར་ཁང་ (Karnataka State Rural Development and Panchayat Raj University) གི་ཉེ་བའི་རིགས་བདག་ཝིཤ་ནུ་ཀནྟ་ཨེས་ཅཌ་པལ་ལི་ (Vishnukanth S. Chatpalli) ལགས་ཀྱིས་མགྲོན་འབོད་གནང་བ་ལྟར་ལྷོ་སྤྱི་འཇིགས་མེད་ཚུལ་ཁྲིམས་ལགས་དང་། ༸ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སྐུ་ཚབ་ཀུན་དགའ་ལགས། དགའ་ལྡན་ཤར་རྩེ་གྲྭ་ཁང་གི་སྐུ་ཚབ་དགེ་བཤེས་གྲགས་པ་སྦྱིན་པ་ལགས་བཅས་རང་སྲིད་རང་སྐྱོང་སྐོར་གྱི་ཚོགས་འདུར་མཉམ་ཞུགས་གནང་ཡོད།

ཚོགས་འདུའི་ཐོག་དགའ་ལྡན་ཤར་རྩེ་གྲྭ་ཁང་གི་སྐུ་ཚབ་དགེ་བཤེས་གྲགས་པ་སྦྱིན་པ་ལགས་ཀྱིས། མི་སེར་སྤེལ་ཡུལ་ལས་གྲོལ་ཐབས་དང་བོད་བརྒྱུད་ནང་བསྟན་འཕེལ་རིམ་གྱི་ལོ་རྒྱུས་སྐོར་གསུངས་པ་དང་། ༸ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སྐུ་ཚབ་ཀུན་དགའ་ལགས་ཀྱིས། ༸ཏཱ་ལའི་བླ་མ་མཐོ་རིམ་སློབ་གཉེར་ཁང་གི་དཔེ་སྟོན་ཤེས་ཡོན་ལམ་ལུགས་དང་གྲུབ་འབྲས་སྐོར་གསུང་བཤད་གནང་ཡོད། རྒྱལ་སྤྱི་རང་བཞིན་ལྡན་པའི་ཚོགས་འདུ་དེ་བཞིན་ཕྱི་ལོ་ ༢༠༢༣ ཟླ་བ་ ༠༣ ཚེས་ ༠༡ ནས་ ༠༣ བར་འཚོགས་ཡོད་པ་བཅས།།