༄༅། །ཕྱི་ལོ་ ༢༠༢༣ ཟླ་བ་ ༣ ཚེས་ ༡ རེས་གཟའ་ལྷག་པ་ཉིན་གསར་དུ་བསྐོ་གཞག་གནང་བའི་ཨོསྟྲེ་ལི་ཡཱ་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་ཟླ་བ་བཟང་མོ་ལགས་ཀྱིས་ལས་ཁུར་འགོ་འཛུགས་གནང་ཡོད། 

དེ་ཡང་ཟླ་བ་བཟང་མོ་ལགས་ནི། རྡ་སྟེང་བོད་ཁྱིམ་སློབ་གྲྭ་ནས་སློབ་སྦྱོང་ལེགས་ཐོན་རྗེས་མཻ་སུར་མཐོ་སློབ་ནས་རྒྱ་སྐད་དང་རྩོམ་རིག་ཐོག་གཙུག་ལག་སློབ་ཐོན་རྗེས་ཕྱི་ལོ་ ༢༠༡༨ ཟླ་བ་ ༢ ནས་ཕྱི་ལོ་ ༢༠༢༠ ཟླ་བ་ ༣ བར་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་རྒྱ་ཡིག་སྡེ་ཚན་ནང་ཕྱག་ལས་གནང་བ་དང་། ཕྱི་ལོ་ ༢༠༢༠ ཟླ་བ་ ༨ ནས་ཕྱི་ལོ་ ༢༠༢༡ ཟླ་བ་ ༨ བར་ཕྱི་དྲིལ་རྒྱ་ཡིག་གསར་འགྱུར་ཚན་པར་ཕྱག་ལས་གནང་ཡོད། གཞན་ཡང་ཕྱི་ལོ་ ༢༠༢༡ ཟླ་བ་ ༨ ནས་ཕྱི་ལོ་ ༢༠༢༢ ཟླ་བ་ ༨ བར་ནོར་ཝེ་བོད་ཀྱི་རླུང་འཕྲིན་ཁང་དུ་ཕྱག་ལས་གནང་ཡོད་པ་བཅས། །