༄༅། །མན་ཊི་ས་གནས་འགོ་འཛིན་བསྟན་འཛིན་ཚུལ་ཁྲིམས་ལགས་ཀྱིས་མན་ཊི་རྫོང་གི་ཉེན་རྟོག་སྤྱི་ཁྱབ་གསར་པ་ལྕམ་སྐུ་སོམ་ཡ་སམ་བྷ་སི་ཝན་ (Soumya Sambasivan) ལགས་དང་མཇལ་འཕྲད་ཀྱིས་ས་གནས་བོད་མིའི་ཚབ་ཞུས་ཏེ་འཚམས་འདྲི་ཞུས་གནང་ཡོད།

དེ་ཡང་མཇལ་མོལ་སྐབས་མན་ཊི་ས་གནས་འགོ་འཛིན་བསྟན་འཛིན་ཚུལ་ཁྲིམས་ལགས་ཀྱིས་ཉེན་རྟོག་སྤྱི་ཁྱབ་ཟུར་པས་བོད་མིར་རྒྱབ་སྐྱོར་ཞོགས་འདེགས་གནང་བར་བསྔགས་བརྗོད་དང་ཆབས་ཅིག་སླད་མར་ཉེན་རྟོག་སྤྱི་ཁྱབ་ཚབ་གསར་གྱིས་ལམ་སྟོན་དང་རོགས་སྐྱོར་མུ་མཐུད་གནང་སྐྱོང་ཡོང་བའི་རེ་སྐུལ་ཞུས་པ་མ་ཟད། དེ་མཚུངས་རྒྱ་གར་གྱི་དབུས་དང་མངའ་སྡེ་གཞུང་དམངས་གཉིས་ནས་བོད་མིར་རྒྱབ་སྐྱོར་གཡོ་བ་མེད་པ་གནང་བར་བཀའ་དྲིན་རྗེས་དྲན་ཞུས་ཡོད།

ཉེན་རྟོག་སྤྱི་ཁྱབ་ཚབ་གསར་ལྕམ་སྐུ་སོམ་ཡ་སམ་བྷ་སི་ཝན་ལགས་ཀྱིས་དོན་གནད་ཞུས་དོན་ཁག་ལ་ལེགས་པར་གསན་ཏེ་བོད་མིའི་བདེ་དོན་དང་འབྲེལ་བའི་གནད་དོན་ཁག་ལ་རོགས་སྐྱོར་ཅི་ཐུབ་གནང་རྒྱུའི་ངོས་བཞེས་གནང་ཡོད་པ་བཅས།།