༄༅། །འདི་གའི་འཛིན་སྐྱོང་འོག་ཡོད་པའི་སྦེལ་ཀོབ་ལུགས་བསམ་ཁྱབ་ཁོངས་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་དུ་གསར་རྒྱག་ཞུས་པའི་ “Tara Kisan Villa” མགྲོན་ཁང་དང་ཟ་ཁང་གཉིས་རང་རིགས་སྤྱི་སྒེར་ཁག་ལ་གཉིས་མོས་ཆོད་གན་གྱི་ལམ་ནས་བོགས་གཏོང་ཞུ་རྒྱུའི་མཐུན་རྐྱེན་དང་དགོས་ངེས་ཆ་རྐྱེན་ཁག་གཤམ་གསལ་ལ་ཐུགས་སྣང་ཡོང་བ་ཞུ།
ཀ། མགྲོན་ཁང་།
- གདན་ས་ཆེན་པོ་སེ་ར་ཆོས་སྒར་གྱི་ཉེ་འཁྲིས་སུ་གནས་པའི་སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་དུ་ཆགས་ཡོད་ཅིང་། དེང་དུས་ཀྱི་སྒྱུ་རྩལ་རང་བཞིན་ལྡན་པའི་མགྲོན་ཁང་གི་བཟོ་བཀོད་དང་། སྤུས་ཚད་ལྡན་པའི་རྒྱུ་ཆ་བཀོལ་སྤྱོད་བྱས་ཡོད།
- བསྡོམས་པའི་ཁང་མིག་གྲངས་ ༡༩ ཡོད་ཅིང་མགྲོན་ཁང་གི་དཀྱིལ་དུ་སྒོ་རའི་མཐའ་སྐོར་ནང་ཉི་མའི་འོད་མདངས་ལྡན་པ་ཡོད།
མགྲོན་ཁང་གི་ཁང་མིག་བསྡོམས་ ༡༩ ཡོད་པ་ཞིབ་གནས་གཤམ་གསལ།
| Category | Room | Qty | Facilities | Carpet area |
| A | Suit Room | 2 | 1. Bedroom with king size bed.
2. Living room with kitchenette 3. AC 4. LCD 5. Study table with chair 6. Luggage rack 7. Wardrobe 8. Dressing table 9. Balcony with outdoor sitting table chair 10. Attached washroom with shower |
370 sft. |
| B | Standard room | 17 | 1. Bedroom with double bed size
2. LCD 3. Study table with chair 4. Luggage rack 5. Wardrobe 6. Dressing table 7. Balcony with outdoor sitting table chair 8. Attached washroom with shower |
225 sft. |
ཁ། ཟ་ཁང་།
ཟ་ཁང་ནང་དུ་སྐུ་མགྲོན་གྲངས་ ༢༤ དང་ཟ་ཁང་གི་སྒོ་རྭའི་བར་འཁྱམས་སུ་སྐུ་མགྲོན་ ༢༠ ཡི་ཤོང་ཚད་ཡོད་ཅིང་། ཐབ་ཚང་ནང་དེང་དུས་ཀྱི་བཟོ་བཀོད་དང་མཐུན་རྐྱེན་རང་སྒྲིག་ཡོད།
ག མགྲོན་ཁང་གི་ཕྱི་ངོས་སུ་ཚད་ལྡན་གྱི་ཆེད་ལས་པའི་བཀོད་རིས་ལྟར་སྣུམ་འཁོར་དང་མིའི་འགྲོ་ལམ་ཚད་ལྡན་ཡོད་ཐོག སྤང་དང་མེ་ཏོག རྩེ་ཤིང། དེ་བཞིན་ཆར་ཆུ་གསོག་འཇོག་གི་ཆུ་རྫིང། ལུས་སྦྱོང་དང་ངལ་གསོ་རྒྱག་ས་སོགས་ཡིད་དུ་འོང་བའི་ཕྱིའི་ཡུལ་ལྗོངས་ཀྱི་བཀོད་པ་བསྐྲུན་ཡོད།
ང་། དགོས་ངེས་ཀྱི་ཆ་རྐྱེན་ཁག་ནི།
༡། དྭང་བླངས་དཔྱ་དངུལ་དུས་འབུལ་ཟིན་པས་ལག་དེབ་ཀྱི་ངོ་བཤུས།
༢། རྒྱ་གར་དུ་གནས་སྡོད་ཆོག་པའི་སྐྱབས་བཅོས་ལག་དེབ་དུས་འགྱངས་ཞུས་ཟིན་པའི་ངོ་བཤུས། ཡང་ན། གནས་ཡུལ་རྒྱལ་ཁབ་ཀྱི་ལག་འཁྱེར་གང་རུང་གི་ངོ་བཤུས། (R.C. or Passport/Citizenship Certificate Copy)
༣། བོགས་གཏོང་འཚང་སྙན་ཁོངས་ཁྱིམ་ཚང་གཅིག་ནས་འདོད་གཅིག་ནང་མི་གཅིག་ལས་ལྷག་ཞུ་སྙནའབུལ་མི་ཆོག
༤། བོགས་མའི་དུས་ཡུན་རིང་ནང་ཤུགས་དང་བོགས་གླ་གཏོང་རིགས་གཏན་ནས་མི་ཆོག
༥། ཞིབ་ཕྲའི་ཆ་རྐྱེན་ཁྲིམས་མཐུན་གན་ཡིག་དབྱིན་ཡིག་ནང་གཏན་འབེབས་ཟུར་སྦྱར་གཞིར་བཟུང་རྩ་འཛིན་ལག་བསྟར་བྱ་རྒྱུ།
༧། བོགས་དངུལ་རྣམས་དངུལ་ཁང་གི་དངུལ་འཛིན་སྟེང་འབུལ་དགོས།
ཅ། བོགས་གླ་དང་དུས་ཡུན།
༡། ད་ལན་མགྲོན་ཁང་དང་ཟ་ཁང་གི་བོགས་གླ་བསྐྱར་དུ་གོ་བསྡུར་གྱིས་བོགས་གཏོང་ཞུ་ཕྱོགས་ཐག་གཅོད་བྱུང་བ་གཤམ་གསལ།
ཀ མགྲོན་ཁང་དང་ཟ་ཁང་སྟོང་པའི་བོགས་རིན་སྒོར་འབུམ་བཅུ་གསུམ།
ཁ། མགྲོན་ཁང་དང་ཟ་ཁང་འཛིན་ཆས་ཆ་ཚང་གི་བོགས་རིན་སྒོར་འབུམ་བཅོ་ལྔ།
ག ཐབ་ཚང་རྒྱ་སྐྱེད་ཆེད་བོགས་ལེན་པ་རང་ངོས་ནས་རྒྱ་སྐྱེད་གནང་འདུན་ཡོད་ཚེ་ས་ཆ་འོས་མཚམས་ཤིག་མཐུན་འགྱུར་ཞུ་རྒྱུ་དང་། བོགས་གླའི་དུས་ཡུན་ལོ་ ༥ རིང་ཡིན།
བོགས་མ་ལེན་འདོད་ཡོད་རིགས་ནས་དོ་བདག་རང་ཉིད་ཀྱི་ཞུ་སྙན་ནང་བོགས་རིན་འབུལ་འབབ་དང་ལོ་དུས་ཁ་གསལ་འཁོད་ཐོག་འབྲེལ་གཏུག་བྱ་ཡུལ་གྱི་ཁ་བྱང་བཅས་གཤམ་འཁོད་ཁ་བྱང་ཐོག་ཕྱི་ལོ་ ༢༠༢༣ ཟླ་ ༣ ཚེས་ ༢༠ འགྱངས་མེད་འབུལ་འབྱོར་ཟིན་པ་དགོས་རྒྱུའི་ཡོངས་ཁྱབ་གསལ་བསྒྲགས་སུ། བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ཕྱི་ལོ་ ༢༠༢༣ ཟླ་ ༣ ཚེས་ ༡ ལ།
མགྲོན་ཁང་གི་ཕྱི་ནང་བཀོད་དབྱིབས་དང་མཐུན་རྐྱེན་ཇི་ཡོད་པར་རིས་ཁག་གཤམ་གསལ་ལ་གཟིགས་རོགས།
ཁ་བྱང་།
Executive Secretary,
Department of Home – CTA
Gangchen Kyishong, Dharamshala – 176215
Distt. Kangra, Himachal Pradesh – India
Email: [email protected] /[email protected]
Phone: 01892-222412/222214
