༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་སློབ་ཡོན་ཚན་པ་དང་མདུན་ལམ་སློབ་སྟོན་ཚན་པ་ཟུང་སྦྲེལ་གྱིས་བོད་སློབ་ཁག་གི་མདུན་ལམ་སློབ་སྟོན་པ་རྣམས་ལ་དྲ་ཐོག་ཟབ་སྦྱོང་ཞིག་གནང་ཡོད་པ་རེད།
དེ་ཡང་དྲ་ཐོག་ཟབ་སྦྱོང་ཐོག་རྡ་ས་བོད་ཁྱིམ་དང་། མ་སུ་རི་བོད་ཁྱིམ། སམ་བྷོ་ཊ་བོད་སློབ་ཚོགས་པ་བཅས་ཀྱི་ཁྱབ་ཁོངས་སློབ་གྲྭ་ཁག་གི་མདུན་ལམ་སློབ་སྟོན་པ་ ༡༦ མཉམ་ཞུགས་གནང་ཡོད་ཅིང་། སྐབས་དེར་མདུན་ལམ་སློབ་སྟོན་པ་རྣམས་ལ་ཤེས་རིག་ལས་ཁུངས་ནས་བསྐྱར་བཅོས་གནང་བའི་སློབ་ཡོན་གནང་ཕྱོགས་ཀྱི་སྒྲིག་གཞིའི་ངོ་སྤྲོད་དང་། སློབ་ཡོན་ཞུ་ཕྱོགས། འདེམས་སྒྲུག་བྱེད་སྟངས། སློབ་ཡོན་གྱི་དབྱེ་བ་སོགས་ཀྱི་སྐོར་འགྲེལ་བརྗོད་གནང་ཡོད་པ་དང་། གནས་ཚུལ་དེ་རིགས་མདུན་ལམ་སློབ་སྟོན་པ་རྣམ་པས་སློབ་གྲྭ་སོ་སོའི་སློབ་ཕྲུག་ལ་ངོ་སྤྲོད་གནང་རྒྱུ་ཡིན་པ་རེད།
ཐེངས་འདིའི་ཚོགས་འདུ་གཙོ་སྐྱོང་ཤེས་རིང་སློབ་ཡོན་ཚན་པའི་འགན་འཛིན་བསོད་ནམས་བཟང་མོ་ལགས་དང་། ཤེས་རིག་མདུན་ལམ་སློབ་སྟོན་ཚན་པའི་འབྲེལ་ལས་འཇམ་དབྱངས་དབང་རྒྱལ་ལགས་གཉིས་ནས་གནང་ཡོད་པ་བཅས།།
