༄༅། །བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཁྱབ་ཁོངས་བུད་མེད་ནུས་སྟོབས་གོང་སྤེལ་ཚན་པས་ཕྱི་ལོ་ ༢༠༢༣ ཟླ་བ་ ༡ ཚེས་ ༣༠ དང་ ༣༡ བཅས་ཉིན་གྲངས་གཉིས་རིང་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་གྲངས་ ༣༠ ལ་ཕོ་མོ་འདྲ་མཉམ་གྱི་འདུ་ཤེས་གོང་མཐོར་གཏོང་ཐབས་ཀྱི་ཟབ་སྦྱོང་ཞིག་གོ་སྒྲིག་གནང་ཡོད་པ་རེད།
ཟབ་སྦྱོང་འདི་ཕོ་མོ་སོགས་ཀྱི་ལྟ་ཚུལ་ལ་གོ་རྟོགས་སྤེལ་རྒྱུ་མཚོན་པའི་ལས་ཁུངས་སོ་སོར་ཕོ་མོ་སོགས་ཀྱི་དབྱེན་འབྱེད་མེད་པའི་ཐོག་ལས་ཀ་ཚགས་ཚུད་ཡོང་ཐབས་སུ་དམིགས་པ་ཞིག་ཡིན། སྤྱིར་ཕོ་མོ་འདྲ་མཉམ་གྱི་འདུ་ཤེས་གོང་མཐོར་གཏོང་ཐབས་ཀྱི་ཟབ་སྦྱོང་ནི། བུད་མེད་ནུས་སྟོབས་གོང་སྤེལ་ཚན་པའི་ལོ་རེའི་ལས་གཞི་ཞིག་ཡིན་པ་དང་། ཚན་པའི་ངོས་ནས་ལོ་ལྟར་བཙན་བྱོལ་བོད་མིའི་གཞིས་ཆགས་ཁག་དང་། སློབ་གྲྭ མཐོ་སློབ་ཁག་ཏུ་དེ་འབྲེལ་གོ་རྟོགས་ལས་འགུལ་སྤེལ་བཞིན་ཡོད་པ་རེད།
བུད་མེད་ནུས་སྟོབས་གོང་སྤེལ་ཚན་པའི་ལས་གཞི་འདིར་ཨ་རིའི་རོགས་ཚོགས་ (USAID) གྱིས་མཐུན་འགྱུར་སྦྱར་ཡོད་པ་བཅས།། 
