༄༅། །ཕྱི་ལོ་ ༢༠༢༣ ཟླ་བ་ ༢ ཚེས་ ༡༩ རེས་གཟའ་ཉི་མ་ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཧི་མཱ་ཅལ་མངའ་སྡེའི་སྲིད་སྐྱོང་གསར་པ་སྐུ་ཞབས་ཤིབ་པྲ་ཏཱཔ་ཤུཀ་ལཱ་ (Shri Shiv Pratap Shukla) མཆོག་ལ་བོད་མིའི་སྒྲིག་འཛུགས་དང་བོད་མི་མང་གི་ཚབ་བྱས་ཏེ་འཚམས་འདྲི་ཞུས་གནང་འདུག

དེ་ཡང་དཔལ་ལྡན་སྲིད་སྐྱོང་མཆོག་གིས་འཚམས་འདྲི་གནང་བའི་ནང་འཁོད་དོན། ཧི་མཱ་ཅལ་མངའ་སྡེའི་གཞུང་མང་གཉིས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་བོད་མི་རྣམས་ལ་མཐུན་འགྱུར་དང་རྒྱབ་སྐྱོར་གཡོ་བ་མེད་པར་གནང་དང་གནང་བཞིན་པར་བཀའ་དྲིན་ཆེ་ཞུ་རྒྱུ་ཡིན།

སྐུ་ཉིད་ཀྱིས་དབུ་ཁྲིད་འོག་ཧི་མཱ་ཅལ་མངའ་སྡེའི་མི་མང་རྣམས་མུ་མཐུད་ཡར་རྒྱས་གོང་འཕེལ་ཡོང་བ་དང་། ང་ཚོའི་མི་མང་དབར་མཛའ་གྲོགས་ཀྱི་འབྲེལ་བ་སྔར་ལས་ལྷག་དམ་ཟབ་ཤུགས་ཆེ་ཡོང་བའི་གདེང་ཚོད་ཡོད། ཅེས་འཁོད་ཡོད་པ་བཅས།།