༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༢ ཟླ་ ༡༢ ཚེས་ ༢༩ དང་ ༣༠ བར་ཉིན་གྲངས་གཉིས་རིང་སྔ་དྲོ་གནས་མཆོག་རྡོ་རྗེ་གདན་གྱི་དུས་དབང་གསུང་ཆོས་ར་བར་བྱང་ཆུབ་སེམས་འགྲེལ་གྱི་བཀའ་ཆོས་དང་། ཕྱི་ཚེས་ ༣༡ ཉིན་གྱི་སྔ་དྲོ་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་གཏན་ཁེལ་ཡོད། ཕྱི་ལོ་ ༢༠༢༣ ཟླ་ ༡ ཚེས་ ༡ ཉིན་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་གཏན་ཁེལ་ཡོད་པ་དང་།

དེ་ཡང་རྒྱ་གར་གྱི་ཆུ་ཚོད།
ཕྱི་ཟླ་ ༡༢ ཚེས་ ༢༩  ཉིན་གྱི་སྔ་དྲོ་ཆུ་ཚོད་༨ ནས་ ༩།༣༠ བར།
ཕྱི་ཟླ་ ༡༢ ཚེས་ ༣༠  ཉིན་གྱི་སྔ་དྲོ་ཆུ་ཚོད་༨ ནས་ ༩།༣༠ བར།
ཕྱི་ཟླ་ ༡༢ ཚེས་ ༣༡  ཉིན་གྱི་སྔ་དྲོ་ཆུ་ཚོད་༨ ནས་ ༩།༣༠ བར།

རྡོ་རྗེ་གདན་དུ་བརྟན་བཞུགས་བསྟར་འབུལ།

ཕྱི་ལོ་ ༢༠༢༣ ཟླ་ ༡ ཚེས་ ༡ ཉིན་གྱི་སྔ་དྲོ་ཆུ་ཚོད་༨ ནས་ ༩།༣༠ བར་ཡིན་པ་བཅས།།