༄༅། །ཕྱི་ལོ་ ༢༠༢༢ ཟླ་བ་ ༡༡ ཚེས་ ༢༤ ཉིན་ཤིས་ལོང་ས་གནས་འགོ་འཛིན་གསར་རྙིང་བར་རྩིས་སྤྲོད་རྩིས་ལེན་ལེགས་གྲུབ་བྱུང་སྟེ་ལས་འཁྱུར་ས་གནས་འགོ་འཛིན་པདྨ་དོན་གྲུབ་ལགས་ཀྱི་དྲུང་ནས་ས་འགོ་གསར་པ་ཆོས་སྒྲོན་ལགས་ཀྱིས་ས་གནས་འགོ་འཛིན་གྱི་ལས་ཁུར་རྩིས་ལེན་གནང་ཡོད།

དེ་ཡང་གོང་ཚེས་ཉིན་རྩིས་སྤྲོད་རྩིས་ལེན་གྲུབ་མཚམས་ལས་འཁྱུར་ས་འགོ་པདྨ་དོན་གྲུབ་ལགས་ཀྱིས་ས་གནས་མི་མང་དང་མཇལ་འཕྲད་གནང་སྟེ་ཁོང་གི་ལས་ཡུན་རིང་ལག་བསྟར་ཞུས་པའི་ལས་གཞི་ཁག་ངོ་སྤྲོད་དང་། ས་གནས་བོད་མི་རྣམས་ཀྱིས་ཁོང་ལ་རྒྱབ་སྐྱོར་གང་ལེགས་གནང་བར་ཐུགས་རྗེ་ལེགས་འབུལ་ཞུས་ཤིང་། དེ་དང་ཆབས་ཅིག་ས་གནས་བོད་མི་རྣམས་ཀྱིས་ཁོང་གིས་ས་གནས་བོད་མིའི་བདེ་སྡུག་སླད་སྐུ་ལས་སྐྱོན་པར་དགོན་པའི་མཁན་རིན་པོ་ཆེ་དང་། ཕྱོགས་བཞུགས་སྤྱི་འཐུས་ཚེ་རིང་སྒྲོལ་མ་ལགས། ས་འཐུས་ཚོགས་གཙོ། དེ་བཞིན་ས་གནས་མི་མང་ལྷན་འཛོམས་ཐོག་གཟེངས་བསྟོད་ཕྱག་འཁྱེར་ཞིག་གནང་ཡོད་པ་བཅས།།