༄༅། །རྒྱལ་སྤྱིའི་ཁྲིམས་དོན་མཁས་པ་དང་ཉམས་ཞིབ་པ་སྐུ་ཞབས་མ་ཡི་ཀེལ་ཝན་ཝལ་ཊ་ཝན་པ་རག་ (Michael van Walt van Praag) ལགས་སྦེལ་ཇམ་གྱི་རྒྱལ་ས་སྦར་སེལ་ (Brussels) དུ་ཉིན་གྲངས་གཅིག་རིང་ཆེད་ཕེབས་ཀྱིས་ཡུ་རོབ་དང་སྦེལ་ཇམ་གྱི་གྲོས་ཚོགས་འཐུས་མི་ཁག་གཅིག་དང་མཇལ་འཕྲད་གནང་ཡོད། སྐབས་དེར་སྐུ་ཞབས་མ་ཡི་ཀེལ་ཝན་ཝལ་ཊ་ཝན་པ་རག་ལགས་ཀྱིས་ཡུ་རོབ་དང་སྦེལ་ཇམ་གྱི་གྲོས་ཚོགས་འཐུས་མི་ཁག་གཅིག་དང་ལྷན་བོད་རྒྱའི་དཀའ་རྙོག་སེལ་ཐབས་སུ་ཁྲིམས་ཐོག་ནས་ལྟ་སྟངས་དང་། བོད་རྒྱའི་དཀའ་རྙོག་སེལ་བར་རྒྱལ་སྤྱིའི་ཚོགས་སྡེ་ཁག་ལའང་ལས་འགན་ཡོད་པའི་སྐོར་གོ་བསྡུར་རབ་དང་རིམ་པ་གནང་ཡོད།
སྐུ་ཞབས་མ་ཡི་ཀེལ་ཝན་ཝལ་ཊ་ཝན་པ་རག་ལགས་ཀྱིས་བོད་རྒྱའི་དཀའ་རྙོག་སེལ་ཐབས་སྐོར་སྤྱན་བསྟར་ཞུས་གནང་བར་ཡུ་རོབ་དང་སྦེལ་ཇམ་གྱི་གྲོས་ཚོགས་འཐུས་མི་རྣམ་པས་ཧ་ཅང་དོ་སྣང་དང་གསན་བཞེས་ཆེན་པོ་གནང་བ་མ་ཟད། བོད་དོན་སླད་མུ་མཐུད་རྒྱབ་སྐྱོར་གནང་རྒྱུའི་ཆོད་སེམས་བརྟན་པོ་ཡོད་སྐོར་དང་། སྦེལ་ཇམ་སྐུ་ཚབ་དོན་ཁང་གིས་མཇལ་འཕྲད་ཀྱི་ལས་རིམ་ཁག་གོ་སྒྲིག་གནང་བར་ཐུགས་རྗེ་ཆེ་ཞུས་གནང་ཡོད། སྦེལ་ཇམ་སྐུ་ཚབ་དོན་གཅོད་འགན་ཁང་རིག་འཛིན་ཆོས་སྒྲོན་ལགས་ཚོགས་འདུའི་ལས་རིམ་ཁག་ཚང་མར་མཉམ་ཞུགས་གནང་ཡོད།
ཉིན་གྲངས་གཅིག་རིང་གི་བོད་དོན་ཞུ་གཏུག་གི་ལས་འགུལ་ཁག་ལེགས་པར་གྲུབ་རྗེས་སྐུ་ཞབས་མ་ཡི་ཀེལ་ཝན་ཝལ་ཊ་ཝན་པ་རག་ལགས་ཡུ་རོབ་ཀྱི་རྒྱལ་ཁབ་གཞན་དུ་ཆེད་ཕེབས་གནང་ཡོད་པ་བཅས། །
རྒྱལ་སྤྱིའི་ཁྲིམས་དོན་མཁས་པ་སྐུ་ཞབས་མ་ཡི་ཀེལ་ཝན་ཝལ་ཊ་ཝན་པ་རག་ལགས་ཀྱིས་མུ་མཐུད་ཡུ་རོབ་རྒྱལ་ཁབ་ཁག་ཏུ་བོད་དོན་ཞུ་གཏུག་གི་ལས་འགུལ་སྤེལ་བཞིན་པ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)