༄༅། །འདི་གར་ཐའེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༢ ཟླ་ ༡༡ ཚེས་ ༤ ཉིན་གྱི་སྔ་དྲོ་ཚོུད་ ༡༠ ཙམ་ལ་བྱེས་ཀྱི་གདན་ས་བཀྲ་ཤིས་ལྷུན་པོ་དགོན་པའི་མཁན་པོ་ཏྲེ་ཧོར་གཟིག་རྒྱབ་རིན་པོ་ཆེ་རྗེ་བཙུན་བསྟན་འཛིན་ཐུབ་བསྟན་རབ་རྒྱས་མཆོག་ཐའེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་སུ་འཚམས་གཟིགས་གནང་ཡོད།
དེ་ཡང་ཐའེ་ཝན་བོད་ཀྱི་སྐུ་ཚབ་དོན་གཅོད་འབའ་བ་སྐལ་བཟང་རྒྱལ་མཚན་ལགས་ཀྱིས་ཐོག་མར་མཁན་རིན་པོ་མཆོག་དོན་གཅོད་ལས་ཁུངས་ཀྱི་ཆོས་ཁང་དུ་ཕེབས་བསུ་ཞུས་པ་དང་། རིན་པོ་ཆེ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་དཔར་མཐོང་གྲོལ་རིན་པོ་ཆེར་མཇལ་ཁ་ཞུས་རྗེས་རིན་པོ་ཆེ་མཆོག་གིས་དོན་གཅོད་ལས་ཁུངས་སུ་༸རྒྱལ་བ་དགེ་འདུན་གྲུབ་པའི་སྐུ་ཐང་ཞིག་གནང་ཡོད། དེ་ནས་སྐུ་ཚབ་དོན་གཅོད་ཀྱིས་རིན་པོ་ཆེ་མཆོག་ལ་དོན་གཅོད་ལས་ཁུངས་ཀྱི་ལས་བྱེད་རྣམ་པ་དང་། ནང་ཆོས་འཛིན་གྲྭ། ལས་དོན་ཁག་རེ་རེ་བཞིན་ངོ་སྤྲོད་ཞུས་རྗེས། རིན་པོ་ཆེ་མཆོག་དང་གསོལ་དཔོན་རྣམ་གཉིས་ཐའེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་སུ་གདན་ཞུས་ཀྱིས་གསོལ་ཇ་ཞལ་ཏོག་འདེགས་འབུལ་ཞུས་པ་དང་། རིན་པོ་ཆེ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་འབྲེལ་གཞིར་བཟུང་ཕྱི་ལོ་ ༢༠༡༨ ལོར་ཐའེ་ཝན་དུ་ཐོག་མར་ཕེབས་པ་དང་། ད་ལམ་ཐའེ་ཝན་དུ་ཕེབས་ཐེངས་གསུམ་པ་ཡིན་སྐོར་ངོས་སྤྲོད་གནང་། དེ་ནས་སྐུ་ཚབ་དོན་གཅོད་ཀྱིས་དོན་གཅོད་ལས་ཁུངས་ནས་ཕྱག་རོགས་ཇི་དགོས་དུས་ནས་དུས་སུ་ཐད་ཀར་གསུང་ཀྱང་གནང་རྒྱུའི་རེ་བསྐུལ་དང་། རྩ་བའི་ཐའེ་ཝན་ནང་ཆོས་དང་སྲིད་ཀྱི་གནས་སྟངས་མང་པོའི་ཐོག་ཕན་ཚུན་གོ་བསྡུར་དང་བཀའ་མོལ་ལྷུག་པོ་བྱུང་ཡོད་པ་བཅས། །
གདན་ས་བཀྲ་ཤིས་ལྷུན་པོའི་མཁན་པོ་མཆོག་ཐའེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་སུ་འཚམས་གཟིགས་གནང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)