༄༅། །འདི་གར་འཕྲོད་བསྟེན་ལས་ཁུངས་ནས་བཏང་གནས་ནང་འཁོད་དོན། ཟླ་འདིའི་ནང་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་སེམས་ཁམས་འཕྲོད་བསྟེན་ཚན་པའི་འབྲེལ་ཡོད་ལས་བྱེད་ནས་ས་རཱ་བོད་ཀྱི་མཐོ་རིམ་སློབ་གཉེར་ཁང་དང་། རྡ་སྟེང་བོད་ཁྱིམ་གྱི་ཁྱིམ་ཚང་ཕ་མ་རྣམས་ལ་རང་སྲོག་གཅོད་རྒྱུ་འགོག་ཐབས་དང་འབྲེལ་བའི་སྐོར་གོ་རྟོགས་སྤེལ་ཐུབ་པ་བྱུང་ཡོད། དེ་བཞིན་ས་གནས་འཕྲོད་བསྟེན་སྨན་ཁང་གི་སྨན་ཞབས་པ་རྣམ་པས་ས་གནས་ཁྱོན་བསྡོམས་གྲངས་ ༡༧ ཙམ་གྱི་མི་མང་རྣམས་ལ་གོང་འཁོད་བརྗོད་གཞིའི་སྐོར་གོ་རྟོགས་སྤེལ་ཡོད་པ་བཅས།།
