༄༅། །བོད་ནང་ཏོག་དབྱིབས་ནད་ཡམས་མྱུར་དུ་ཞི་བའི་ཆེད་རྒྱ་གར་བྱང་ཤར་ཀ་སྦུག་ས་གནས་སུ་དཔལ་ས་སྐྱའི་ཁྲི་འཛིན་ཞེ་གཉིས་པ་༧སྐྱབས་མགོན་རཏྣ་བཛྲ་རིན་པོ་ཆེ་དབུ་བཞུགས་ཐོག་སྒྲོལ་མའི་གཟུངས་སྔགས་གསོག་འདོན་གནང་ཡོད། སྐབས་དེར་རིན་པོ་ཆེ་མཆོག་གིས་འདུས་ཚོགས་ལ་བྱིན་གྱིས་རླབས་པ་མ་ཟད། ད་ལྟའི་བོད་ནང་གི་ཛ་དྲག་གནས་སྟངས་ལ་ཐུགས་སྨོན་བསྔོ་བ་མཛད་ཡོད་པ་རེད།
དེ་རྗེས་རིན་པོ་ཆེ་མཆོག་ས་གནས་འགོ་འཛིན་ལས་ཁུངས་དང་། ཡན་ལག་སྨན་རྩིས་ཁང་། རྒས་གསོ་ཁང་བཅས་སུ་གཟིགས་སྐོར་ལ་ཕེབས་ཡོད་པ་བཅས།།
