༄༅། །ཨིན་ཡུལ་གྱི་རྒྱལ་སྲས་ཅཱར་ལི་སི་ (Majesty King Charles III) མཆོག་ཨིན་ཡུལ་གྱི་རྒྱལ་པོར་ཁྲི་འདོན་མངའ་གསོལ་ཞུས་པར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༢ ཟླ་བ་ ༠༩ ཚེས་ ༡༠ ཉིན་ཨིན་ཡུལ་གྱི་རྒྱལ་པོ་ཅཱར་ལི་སི་མཆོག་ལ་འཚམས་འདྲིའི་གསུང་འཕྲིན་སྩལ་བའི་ནང་འཁོད་དོན། སྐུ་ཉིད་ཀྱིས་ཐུགས་འགན་ཆེན་པོ་བཞེས་ནས་བྱམས་སྙིང་རྗེའི་ཀུན་ནས་བསླངས་ཏེ་གཞན་གྱི་བདེ་དོན་སླད་བློས་བཏང་གིས་ཞབས་འདེགས་བསྒྲུབ་ཐུབ་པའི་ངོས་ལ་གདེང་ཚོད་ཡོད།

སྐུ་ཉིད་ཨིན་ཡུལ་གྱི་རྒྱལ་པོར་ཁྲི་འདོན་མངའ་གསོལ་ཞུས་ཏེ་ཡོངས་གྲགས་ཆགས་པར་དགའ་པོ་བྱུང་། སྐུ་ཉིད་ཀྱིས་མདུན་དུ་ཡོད་པའི་དཀའ་ངལ་ཁག་ལ་གདོང་ལེན་གནང་སྟེ་ཨིན་ཡུལ་གྱི་མི་མང་གི་རེ་བ་དང་མངོན་འདོད། དེ་བཞིན་འཛམ་གླིང་འདི་ཉིད་སྔར་ལས་ལྷག་ཞི་བདེ་ལྡན་པ་ཞིག་བསྐྲུན་ཆེད་ཞབས་འདེགས་བསྒྲུབ་ཐུབ་པའི་སྨོན་ལམ་ཡོད། ཅེས་འཁོད་ཡོད།།