༄༅། །ཤིས་ལོངས་ས་གནས་འགོ་འཛིན་པདྨ་དོན་གྲུབ་ལགས་ཀྱིས་སན་ཊི་ཨན་ཐོ་ནེ་མཐོ་སློབ་ (St. Anthony College) དང་། སཱན་ཀཱར་དེབ་མཐོ་སློབ། (Sankardev College) སན་ཊི་ཨན་ཐོ་ནེ་སློབ་གྲྭ་ (St. Anthony Higher Secondary School) བཅས་ཀྱི་སློབ་སྤྱི་རྣམ་པ་དང་། བྱང་ཤར་ཧིལ་གཙུག་ལག་སློབ་གཉེར་ཁང་ (North Eastern Hill University ) གི་ཉེ་བའི་རིགས་བདག་བཅས་དང་ཐུག་འཕྲད་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་བཙན་བྱོལ་ནང་གི་རང་དབང་ (Freedom in Exile ) ཞེས་པའི་དཔེ་དེབ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཡེ་ཤུའི་བླ་ཆེན་དམ་པ་ཌེ་སི་མོན་ཊུ་ཊུ་མཆོག་གིས་མཛད་པའི་དཔེ་དེབ་ (Book Of Joy) ཅེས་པ་སློབ་མ་རྣམས་ཀྱི་ཁེ་ཕན་ལ་དམིགས་ཏེ་སློབ་གྲྭ་དང་མཐོ་སློབ་ཀྱི་དཔེ་མཛོད་ཁང་དུ་ཞལ་འདེབས་སུ་ཕུལ་ཡོད།དེ་ཡང་ཤིས་ལོངས་ས་གནས་འགོ་འཛིན་པདྨ་དོན་གྲུབ་ལགས་གོང་འཁོད་སློབ་གྲྭ་དང་གཙུག་ལག་སློབ་གཉེར་ཁང་བཅས་སུ་ཆེད་ཕེབས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞི་དང་། ཆོས་ལུགས་ལ་མ་བརྟེན་པའི་བཟང་སྤྱོད་སོགས་ཀྱི་སྐོར་ངོ་སྤྲོད་གནང་བ་དང་། དེ་བཞིན་མགྲོན་འབོད་གནང་བ་ལྟར་ཤིས་ལོངས་ས་གནས་འགོ་འཛིན་པདྨ་དོན་གྲུབ་ལགས་སན་ཊི་ཨན་ཐོ་ནེ་མཐོ་སློབ་ཏུ་ཆེད་ཕེབས་ཀྱིས་དགེ་ལས་སློབ་ཕྲུག་ཡོངས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞི་དང་། ཆོས་ལུགས་ལ་མ་བརྟེན་པའི་བཟང་སྤྱོད་སོགས་ཀྱི་སྐོར་གསུངས་ཡོད།།