༄༅། །ནི་དར་ལེནྜའི་གྲོང་ཁྱེར་ཨིན་ངྷོ་ཝེན་ (Eindhoven) ནང་རྟེན་གཞི་བྱས་པའི་སིང་གུ་ལ་རི་ཊི་གཙུག་ལག་སློབ་གཉེར་ཁང་ (Singularity University) གིས་ཕྱི་ལོ་ ༢༠༢༢ ཟླ་ ༠༩ ཚེས་ ༢༦ ནས་ ༢༨ བར་ཉིན་གྲངས་གསུམ་རིང་ཁེ་ལས་བཟོ་ཚོང་ཁང་འདྲ་མིན་གྱི་སྤྱི་ཁྱབ་འགན་འཛིན་གྲངས་ ༢༥ ལྷག་ལ་འགོ་ཁྲིད་དང་། དྲ་རྒྱའི་བདེ་འཇགས། སྐྱེ་ལྡན་འཕྲུལ་ལས་རིག་པ། བཅོས་མའི་རིག་རྩལ། མ་འོངས་ཟས་རིགས་སོགས་ཡར་རྒྱས་གཏོང་ཕྱོགས་སྐོར་བགྲོ་གླེང་ཞིག་གོ་སྒྲིག་གནང་ཡོད་པ་དང་།

སིང་གུ་ལ་རི་ཊི་གཙུག་ལག་སློབ་གཉེར་ཁང་གི་སྤྱི་ཁྱབ་འགན་འཛིན་དང་གཙུག་ལག་སློབ་གཉེར་ཁང་གསར་འཛུགས་གནང་མཁན་གྲས་སྐུ་ཞབས་ཁི་རོ་སེ་(Diederick Croese) ལགས་སྒེར་གྱིས་མགྲོན་འབོད་ལྟར་བེལ་ཇི་ཡམ་སྐུ་ཚབ་དོན་གཅོད་འགན་ཁང་རིག་འཛིན་ཆོས་སྒྲོན་ལགས་བགྲོ་གླེང་ཐོག་མཉམ་ཞུགས་ཀྱིས་ཚོགས་བཅར་བ་ཡོངས་ལ་བོད་དོན་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞི། བོད་མིའི་སྒྲིག་འཛུགས་ནས་གཉིས་སྨན་དབུ་མའི་ལམ་གྱི་སྲིད་བྱུས་གཞིར་བཞག་ཐོག་གྲོས་མོལ་བརྒྱུད་བོད་རྒྱའི་དཀའ་རྙོག་སེལ་ཐབས་གནང་བཞིན་པ་སོགས་ཀྱི་སྐོར་གསུངས་ཡོད་པ་བཅས།།