༄༅། །ཕྱི་ལོ་ ༢༠༢༢ ཟླ་བ་ ༠༩ ཚེས་ ༠༩ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨིན་ཡུལ་གྱི་རྒྱལ་མོ་ཨི་ལི་ཛི་བྷེཊ་གཉིས་པ་མཆོག་སྐུ་ཚེའི་འཕེན་པ་རྫོགས་པར་ཨིན་ཡུལ་རྒྱལ་བཙུན་སྟོན་འཁོར་དང་མང་ཚོགས་ལ་ཐུགས་གསོའི་གསུང་འཕྲིན་གནང་འདུག 

དེ་ཡང་ཐུགས་གསོའི་གསུང་འཕྲིན་ནང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས། ཨིན་ཡུལ་གྱི་རྒྱལ་མོ་ཨི་ལི་ཛི་བྷེཊ་གཉིས་པ་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་བྱུང་བར་ངས་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་རྒྱལ་བཙུན་སྟོན་འཁོར་དང་ཨིན་ཡུལ་མི་མང་ཡོངས་ལ་ཐུགས་གསོ་ཞུ་རྒྱུ་ཡིན། 

དཔལ་ལྡན་རྒྱལ་མོ་ཁོང་ནི་ཁྱད་དུ་འཕགས་པའི་དབུ་ཁྲིད་ཅིག་ཡིན་པ་མ་ཟད་སྙིང་སྟོབས་དང། འགན་ཁྲི། མི་མང་གི་བདེ་སྡུག་ལ་ཞབས་ཞུའི་དམ་བཅའ་ལྡན་པའི་དབུ་ཁྲིད་ཀྱི་དཔེ་མཚོན་ཞིག་ཏུ་གྱུར་ཡོད། ཁོང་མོ་འདས་གྲོངས་སུ་གྱུར་བ་དེ་འཛམ་གླིང་ཁྱོན་ཡོངས་ཀྱིས་ཚོར་ངེས་རེད། ཞེས་དང་། 

མཐར་དཔལ་ལྡན་སྲིད་སྐྱོང་མཆོག་གིས་ཞིང་གཤེགས་རྒྱལ་མོའི་སྐུ་འཁོར་ནང་མི་ཉེ་འབྲེལ་ཀུན་ལ་ཐུགས་གསོ་དང་བཅས་བསྔོ་སྨོན་མཛད་འདུག་པ་བཅས།།