༄༅། །ཀུལླུ་རྫོང་གི་གོད་ཆག་ཉེན་སྲུང་སྡེ་ཚན་གྱིས་ཀུལླུ་ཁུལ་གྱི་བོད་མི་རྣམས་ལ་གོད་ཆག་བྱུང་སྐབས་ཉེན་སྲུང་བྱ་ཕྱོགས་ཐད་གོ་རྟོགས་སྤེལ་ཡོད། གོད་ཆག་ཉེན་སྲུང་སྡེ་ཚན་ནི་ས་གནས་ཁག་ཏུ་གོད་ཆག་རིགས་བྱུང་སྐབས་ཉེན་སྲུང་དང་སྐྱོབ་གསོ་གནང་མཁན་གྱི་གཞུང་འབྲེལ་སྡེ་ཚན་ཞིག་ཡིན། 

ས་གནས་སུ་གོ་རྟོགས་ལས་འགུལ་སྤེལ་སྐབས་ས་གནས་ཀྱི་གོད་ཆག་ཉེན་སྲུང་སྡེ་ཚན་གྱི་འགན་འཛིན་སྐུ་ཞབས་སུ་ཤི་ཤར་མ་ (Mr Sushi Sharma) ལགས་དང་འབྲེལ་ཡོད་ལས་བྱེད་བཅོ་ལྔ་ཀུལླུ་བོད་མིའི་གཞིས་ཆགས་སུ་ཕེབས་ཏེ་གོད་ཆག་ཉེན་སྲུང་སྐོར་གོ་རྟོགས་དང་། གོད་ཆག་བྱུང་སྐབས་དཀའ་ངལ་ཅན་ལ་རོགས་སྐྱོར་བྱེད་ཕྱོགས་ཐད་ལམ་སྟོན་གནང་ཡོད་པ་བཅས།།